Нядзеля 25 сакавіка для 297 каманд «Адрыву» пачалася з «Выхаду ў горад». Так называецца першая гульня сэзону ў межах праекту гарадзкога арыентаваньня «Адрыў». Для тых, хто ўпершыню чуе слова Адрыў, мінімальны экскурс: гэта першая ў Беларусі гульня-даведнік. Яе сутнасьць — пабываць у абраных аўтарамі кропках Горада. Кожная такая кропка — выбітнасьць, цікавае месца, маляўнічы куток.

У Менску завяршылася міжнародная студэнцкая канфэрэнцыя Беларуская мадэль Арганізацыі Аб’яднаных Нацый ці Belamun. Гэта ролевая гульня па мадэляваньні ААН, якая праводзіцца ў кожнай краіне-сябры гэтай арганізацыі.

У суботу — 24 верасьня — дваровыя футбалісты прымуць удзел у вулічных спаборніцтвах ад супольнасьці «Забей». Сёньня свой удзел пацьвердзілі больш за 30 каманд з розных аматарскіх чэмпіянатаў і гарадоў Беларусі. Футбалісты Магілёву, Баранавічаў, Гомелю, Жодзіна, Слуцку і, вядома, Менска сыдуцца ў паядынках на пляцоўках сталіцы.

25 верасьня, у нядзелю, пройдзе ўжо трэці Энэргетычны квэст. Форма гульні — гарадзкое арыентаваньне, а галоўнае адрозьненьне ад вядомых аналягаў — «Схватка» і «Отрыв» — у тым, што ўсе заданьні так ці інакш закранаюць тэму энэргетыкі, энэргазьберажэньня і энэргаэфэктыўнасьці. Праз гульню, сьцьвярджаюць арганізатары, удзельнікі адкрыюць зусім іншы Менск і даведаюцца яго маленькія таямніцы.

Лябірынты, уцёкі, перасьлед, адвечны пошук выйсьця… Жыцьцё беларускага журналіста ўсё больш нагадвае рызыкоўную гульню. Некаторыя яе правілы дыктуе рэчаіснасьць, а некаторыя пішам мы самі. БАЖ прапануе калегам у гэтую гарачую пару знайсьці вольную хвілінку для «рэлаксу» ў кампаніі старых знаёмых — КДБіста, Чыноўніка, АМАПаўца і Судзьдзі. А людзям іншых прафэсій — ненадоўга прымерыць на сябе «скуру» беларускага журналіста.

Дваравыя футбалісты з 8 гарадоў Беларусі ўжо прынялі ўдзел у Турніры. Такім чынам мінула палова Турніра Пасыянарыяў-2011. Гэта 45 дваравых каманд і болей 350 гульцоў. Як гэта было ў мінулую суботу — глядзім і чытаем у чарговым аглядзе.

У суботу 23 красавіка прайшоў першы адбор Турніра Пасіянарыяў-2011 сярод менскіх дваравых каманд ад Zabej-супольнасьці. На футбольным полі зышліся 10 каманд. Гулялі ў гонар Дзеда Талаша.

«Эпоха герояў» — пад такім сьлёганам у бліжэйшыя два месяцы футболам будзе ахоплена 8 гарадоў і мноства нефармальных камандаў. Што да чаго, распавядаем на прыкладзе адборачных этапаў, што прайшлі на гэтых выходных у Маладзечне і Баранавічах.