Студэнты Каліфарнійскага ўнівэрсытэту ў Сан-Дыега зладзілі акцыю пратэсту і ўварваліся ў офіс рэктара з-за вісельнай пятлі, якая была знойдзеная напярэдадні ва ўнівэрсытэцкай бібліятэцы.

Амбасада ЗША ў Беларусі паведамляе аб правядзеньні фотаконкурсу «Мая Амэрыка» з 1 студзеня па 15 сакавіка 2010 года. Да ўдзелу ў конкурсе запрашаюцца грамадзяне Беларусі, якія жадаюць падзяліцца фотаздымкамі ўнікальных момантаў свайго знаходжаньня ў ЗША.

Надпіс «Class 2010», які выбудоўваўся зь літараў на футболках старшаклясьнікаў у тэхаскай школе, жартаўлівай перастаноўкай удзельнікаў пастановачнага фота пераўтварыўся ў «Ass 2010». Праўда, жарт зразумелі ня ўсе і пакаралі школьнікаў за нецэнзуршчыну.

Студэнцкі асяродак Эўропы працягвае бурліць: распачатыя захопам унівэрсытэцкіх будынкаў у Вене, пратэсты хутка перакінуліся ў Нямеччыну, Швэйцарыю, былі падтрыманыя італьянскімі актывістамі. Свой пратэстны рух аўстрыйскія студэнты назвалі «Унівэрсытэт гарыць!» Пратэстуючыя дамагаюцца зьменаў у фінансавай палітыцы ўнівэрсытэтаў і Балоньскай сыстэме.

Вакол паўднёвага крыла лекцыйнага будынку Каліфарнійскага ўнівэрсытэту ў Бэрклі сабраўся натоўп у некалькі соцень чалавек. Збольшага гэта па-восеньску апранутыя студэнты (у Бэрклі каля 12 градусаў цяпла), якія ўглядаюцца ўверх, на вокны будынку. У адным зь іх бачны плякат «32% ўверх, 900 звальненьняў». Корпус ужо некалькі гадзін утрымліваецца захапіўшымі яго студэнтамі, якія трэція суткі пратэстуюць супраць узьняцьця коштаў за адукацыю і скарачэньня выкладчыкаў. У гэты дзень пратэсты трасуць усю Каліфорнію.

У ЗША рэкордна вырасла колькасьць студэнтаў, якія навучаюцца ў каледжах, перш за ўсё двухгадовых. Зьвязваюць гэта з эканамічным крызысам і меншым коштам навучаньня ў падобных навучальных установах.

У ЗША назіраецца бум цікаўнасьці студэнтаў да працы на зямлі: гэтым летам колькасьць амэрыканскіх студэнтаў, якія вырашылі пастажыравацца на фэрмах, стала непараўнальна высокай. Нехта хоча зьмяніць сьвет, а нехта — сваё жыцьцё. 

Суд у ЗША вынес рашэньне аштрафаваць на 700 тысяч даляраў студэнта, які незаконна спампаваў зь Сеціва 30 песень. Адразу ж у яго падтрымку распачаўся збор грошай, але няўдалы «пірат» адмовіўся ад іх, дадаўшы, што зьбіраецца абвесьціць сябе банкрутам.

Барак Абама перасьцярог амэрыканскіх падлеткаў аб небясьпецы пакіданьня надта вялікай колькасьці асабістай інфармацыі ў сацыяльных сетках, дадаўшы, што гэта інфармацыя можа вярнуцца і перасьледаваць іх у далейшым жыцьці.

Злучаныя Штаты Амэрыкі гарантавалі Эўрапейскаму гуманітарнаму ўнівэрсытэту дапамогу ў памеры 500 000 даляраў (~355 000 эўра) на  2009 год.