Пасьпяховы «афрыканскі» пэрыяд у творчасьці гурта «Без Билета» працягваецца новым відэа «Птицы из Африки летят». Кліп зьняты Таняй Кушнер і выпушчаны ў падтрымку новага зборніка гурта «Красному диску солнца». «Да лета яшчэ далёка, а ў новым кліпе „Без Билета“ сонца, мора і пясок. Enjoy!» — чытаем камэнтары рэжысэркі і глядзім новае відэа!

Мэр амэрыканскага гораду Топіка, што ў паўднёвым штаце Канзас, заклікае гараджан згадзіцца на часовае перайменаваньне гораду ў ‘Google’ дзеля таго, каб заваяваць права разьмесьціць першую высокахуткасную сетку перадачы дадзеных.

Назоў кружэлкі лягічна вынікае са зьместу: «3» — гэта тры песьні і тры ўдзельніка. «Трэцім» у дуэт паэта і вулічнага музыканта Міхея Насарогава і вядомага беларускага кліпмэйкера Макса Сірага далучыўся менскі бубнач Арцём Залескі («Серебряная Свадьба», «Gurzuf»). Песьні даступныя для вольнага спампоўваньня!

У Цюмені асуджаны студэнт, які агулам 30 дзён правёў у Інтэрнэце, карыстаючыся чужым логінам і паролем. Акрамя ўмоўнага тэрміну расеец мусіць выплаціць каля $2 800 уладальніку пароля ў якасьці кампэнсацыі шкоды.

Суд Мілану прыгаварыў супрацоўнікаў кампаніі Google да шасьці месяцаў зьняволеньня за дазвол разьмесьціць на сайце відэа, на якім прадэманстраваныя зьдзекі над хворым падлеткам.

Брытанская карпарацыя BBC наладзіла апытаньне амаль 11 тысяч карыстальнікаў Сеціва з 19 краінаў. Першыя вынікі апытаньня сьведчаць, што 30% інтэрнэтчыкаў абіраюць Сеціва як прыдатнае месца для пошукаў каханьня.

Радыёжурналісты з Канады, Францыі, Бэльгіі і Швэйцарыі адважыліся на цікавы экспэрымэнт. Яны год пражывуць у сельскай глыбінцы ў Францыі, падтрымліваючы сувязь з навакольным сьветам толькі праз Twitter і Facebook, каб высьветліць, ці будуць яны ў курсе падзеяў сьвету без звычайных камунікацыяў.

Гурт «Без Билета» выпусьціў новы рэліз. Сёньня ў каманды выйшаў зборнік «Красному диску солнца». Ён даступны для вольнага спампоўваньня на сайце bezbileta.net. У рэліз уключаныя 10 кампазыцый, большасьць зь якіх — новыя вэрсіі песень, знаёмых слухачам па альбомах «Африка» і «Кино».

Тэхналёгія WiMAX, якая дазваляе атрымаць бяздротавы доступ да хуткаснага Інтэрнэту, зьявіцца ў Менску ў пачатку 2010 году. Пабудуе сетку WiMAX дзяржаўная тэлекамунікацыйная кампанія «Белтэлекам».

Для нешматлікіх туркмэнскіх карыстальнікаў Інтэрнэту сусьветнае павуціньне звузілася яшчэ болей. Цяпер у Туркмэністане заблякаваны доступ да відэасэрвісу YouTube і блогавай плятформе Livejournal. Праблемы з доступам да туркмэнскіх карпаратыўных сайтаў адзначаюць шматлікія замежныя кампаніі.