Упершыню Facebook трапіў на першы радок па наведвальнасьці ў ЗША. Сацыяльная сетка абышла нават інтэрнэт-гігант Google.

Заснавальнік Microsoft у адстаўцы Біл Гейц цяпер мае шмат вольнага часу і некалькі гадоў заняты актыўнай прапагандай свабоднага праграмнага забесьпячэньня для навучаньня. Нядаўна кампутарны мільярдэр назваў «рэвалюцыйнымі» стартапы, якія зьмяшчаюць у адкрытым доступе відэалекцыі лепшых унівэрсытэтаў, і прызнаўся, што сам час ад часу наведвае он-лайн лекцыі.

Сацыяльная сетка Twitter займаецца распрацоўкай тэхналёгіі, што дазволіць яе карыстальнікам пазьбегнуць цэнзуры, якую ўвялі некалькі дзяржаў у нацыянальных сэктарах Інтэрнэту. Па словах заснавальніка Twitter, праграмісты рыхтуюць «цікавыя трукі», якія дапамогуць абысьці спробы заблякаваць гэты сайт.

У Аўстраліі распачаўся тыдзень барацьбы супраць інтэрнэт-цэнзуры, якую ўрад краіны зьбіраецца неўзабаве ўвесьці цераз фільтрацыю кантэнту і стварэньня сьпісу «нядобранадзейных» сайтаў. Акцыі будуць праходзіць як у Сеціве, так і ў фармаце off-line сустрэч праціўнікаў фільтрацыі кантэнту.

Рэгуляваньне Інтэрнэта ў Беларусі стане больш жорсткім, а парадак у ім «наведзены». Аб гэтым заявіў сёньня прэзыдэнт Беларусі Аляксандр Лукашэнка.

Тэхналёгія WiMAX, якая дазваляе атрымаць бяздротавы доступ да хуткаснага Інтэрнэту, зьявіцца ў Менску ў пачатку 2010 году. Пабудуе сетку WiMAX дзяржаўная тэлекамунікацыйная кампанія «Белтэлекам».

Мэханічны голас выбранага вашымі ўласнымі рукамі камэнтатара распавядае апошнія навіны бізнэсу і музыкі, «самапішучыяся» спараваздачы-рэпартажы з чэмпіянату краіны па футболе. Так уяўляюць будучыню журналістыкі ў адным з унівэрсытэтаў ЗША, дзе навукоўцы занятыя стварэньнем зьяднаных зь інтэрнэтам кампутарных праграм, якія б самі маглі кампанаваць выпускі навінаў.

Паўтара тузіны дацкіх школ сталі першымі навучальнымі ўстановамі ў сьвеце, у якіх афіцыйна дазволена карыстацца Інтэрнэтам у час іспытаў. Калі экспэрымэнт будзе пасьпяховым, улады каралеўства плянуюць дазволіць Сеціва на ўсіх афіцыйных іспытах.

За выключэньнем карыстальнікаў дзяржаўнага правайдэра ByFly большасьць беларусаў не магла далучыцца сёньня да сэрвэраў, якія знаходзяцца па-за межамі краіны з 11.00 да 12.39. Найбольш верагоднай прычынай аварыі напачатку называліся працы па пашырэньні вонкавага каналу, аднак пазьней Белтэлекам абверг такія меркаваньні.

Заснавальнік «Вікіпэдыі» Джымі Ўэльс заклікае перагледзець прынцып фармаваньня старонак інтэрнэт-энцыкляпэдыі. Так, па новых патрабаваньнях усе зьмены ў старонкі пра людзей і некаторыя арганізацыі будуць прымацца толькі пасьля зацьвярджэньня рэдактарам, каб «зрабіць вандалізм меней адчувальным».