«Грамадзкасьць Беларусі занепакоеная магчымымі арыштамі Дзядоў Марозаў, Сьнягурак, хлопчыкаў-зайчыкаў і дзяўчынак-сьняжынак», — гаворыцца ў заяве, якую сьнягуркі і навагоднія зайцы паспрабавалі перадаць парлямэнтарыям. Навагоднія пэрсанажы працягваюць змаганьне за адмену артыкулу 193.1 Крымінальнага кодэксу.

Генэральная пракуратура Беларусі пакуль не зьбіраецца прыцягваць незарэгістраваную групу Дзядоў Марозаў да адказнасьці, аднак гэта можа адбыцца ў выпадку працягу сыстэмнага ўдзелу Марозаў у арганізацыі. Пра гэта паведамляецца ў адказе пракуратуры на шчырае прызнаньне Дзядоў Марозаў.

Незарэгістраванае грамадзкае аб’яднаньне Дзядоў Марозаў прызналася ў ажыцьцяўленьні дзейнасьці без дзяржаўнай рэгістрацыі. Сёньня Дзяды Марозы перадалі ў генэральную пракуратуру заяву, у якой прызнаюцца ў парушэньні закону, за што ім пагражае да 2 год зьняволеньня. Далейшы лёс незарэгістраваных Мікалаяў будзе вырашаны на працягу 30 дзён.

У Менску прайшла першая гульня новага сэзону праекту гарадзкога арыентаваньня «АДрыў». Гульня сабрала рэкордныя 400 удзельнікаў у трох катэгорыях, якія шукалі, сярод іншага, палутарныя ворганы на сьценах менскіх шпіталяў і дыгераў у намёце.

Лепшыя бі-боі сьвету з усяго сьвету зьбяруцца ў Парыжы на знакаміты турнір па брэйк-дансу «Адзін на адзін» — Red Bull BC One 2008. Спаборніцтва за заманлівы тытул «Лепшы бі-бой сьвету» пройдзе 5 лістапада. Шаснаццаць танцораў з адзінаццаці краінаў гатовыя ўсталяваць новыя рэкорды. Беларусы ў лік шчасьліўчыкаў ня трапілі, і беларуская брэйк-данс тусоўка заўзее за прадстаўніка Ўкраіны.

На вялікую вечарыну з нагоды фіналу першага конкурсу экстрэмальнага фота арганізатары запрасілі герояў здымкаў — брэйк-дансэраў, скейтэраў і роварыстаў. На сцэне аэрадрома на Баравой запальвалі ды-джэі, а запрошаныя госьці ламалі галаву, каму ж з фіналістаў конкурса аддаць сваю гайку. Далей — 30 фота «як гэта было».

Сотні аголеных раварыстаў праехалі ў нядзелю па вуліцах сталіцы Мэксыкі з патрабаваньнем паважлівага стаўленьня да сябе з бо­ку кіроўцаў аўтамабіляў.

Увядзеньне забароны на ўжываньне сьпіртных напояў у грамадзкім транспарце лёнданцы сустрэлі агромністай паці, а дакладней — правялі «Апошні рэйс у падземцы». Вясёлы флэш-моб быў ініцыяваны праз Facebook. Вечарам 31 траўня тысячы людзей спусьціліся ў лёнданскае мэтро: хто з півам, хто з шампанскім ці марціні. Праўда, вясёлыя намеры скончыліся арыштамі.

Падавалася б, лета - час адпачынку. Але выспацца ўсё не атрымоўваецца. Хто ўсё ніяк не адсьвяткуе атрыманы дыплём, а для каго начная зьмена - звыклы лад жыцьця. Як абхітрыць арганізм і дажыць да сьвітанку?

Па традыцыі, у апошнюю пятніцу месяца ўладальнікі ровараў зьбіраюцца на чарговую акцыю Крытычнай масы ў Менску. Збор удзельнікаў сёньня ў 19:00 у сквэры ля МузКамэдыі. Прыжджаць на ровары!