Толькі першы няпоўны тыдзень новага навучальнага году 4300 віцебскіх студэнтаў і навучэнцаў будуць вучыцца. Ужо ў бліжэйшы панядзелак 6 верасьня яны паедуць дапамагаць зьбіраць ураджай бульбы, гародніны і льна ў калгасы 18-ці раёнаў Віцебскай вобласьці.

Гомельскі 9-клясьнік Генадзь Караткевіч стаў пераможцаў XXII Міжнароднай алімпіяды па інфарматыцы ў Канадзе. Беларуская каманда прывезла з Ватэрлоо золата і яшчэ тры бронзы. Перамога ў сусьветным спаборніцтве стала чарговай ў капілцы юнага вундэркінда.

Толькі кожны чацьвёрты беларускі першакурсьнік будзе вучыцца на дзённым бясплатным аддзяленьні. Вынікі сёлетняй уступнай кампаніі кажуць аб тым, што найбольшыя конкурсы ў тых ВНУ, дзе навучаюць ратавальнікаў ды міліцыянэраў. Найбольшы конкурс па краіне на бюджэтнае аддзяленьне быў у Гомельскім інжынэрным інстытуце МНС і Камандна-інжынэрным інстытуце МНС.

Да новага навучальнага году кошты на здымнае жытло ў Менску падымуцца ня болей, чым на 20%, лічаць рыэлтары. Магчыма, у гэту восень мы будзем назіраць нестандартную сытуацыю, калі ня будзе моцных сэзонных скачкоў коштаў на рынку здымнага жытла.

Асноўны цяжар па фінансаваньні будаўніцтва студэнцкай вёскі перакладзены на рэспубліканскі бюджэт, а сканчэньне будаўніцтва адкладзенае да 2012 году.

Ад далучэньня Беларусі да Балоньскага працэсу міністар адукацыі Радзькоў разьлічвае атрымаць павелічэньне колькасьці замежных студэнтаў у нашых ВНУ і падвышэньне мабільнасьці студэнтаў беларускіх. Але зьменаў у дзейнасьці ўнівэрсытэтаў чакаць ня варта.

У БДУІР на бюджэтныя месцы недабор па тром спэцыяльнасьцям, а фізыка ды матэматыка апынуліся сярод найменш папулярных пазыцый гэтага году ў БДУ. На гэтыя аддзяленьні ідуць людзі зь нізкімі баламі, у той час як мэнэджмэнт, кампутарныя і будаўнічыя спэцыяльнасьці паступаюць з найлепшымі вынікамі па ЦТ.

Прэзыдэнт Лукашэнка даручыў міністру адукацыі Радзькову пачаць працэдуру далучэньня Беларусі да Балоньскага працэсу. Гэта можа пацягнуць за сабой інтэграцыю краіны ў прастору вышэйшай адукацыі Эўропы, прызнаньне беларускіх дыплёмаў за мяжой, зьмены ў тэрмінах навучаньня і відах дыплёмаў беларускіх ВНУ.

Міністэрства адукацыі Сірыі забараніла жанчынам насіць ва ўнівэрсытэтах панаранджу. Паводле меркаваньня міністра адукацыі гэтай мусульманскай краіны, паранджа не адпавядае акадэмічным каштоўнасьцям і традыям унівэрсытэтаў Сірыі. Гэты ўжо ня першае рашэньне аб забароне паранджы ў ВНУ мусульманскіх краін.

Толькі ў кожнага шостага абітурыента ёсьць шанцы паступіць у гэтым годзе на бюджэтнае аддзяленьне. Агулам студэнтамі ўсіх формаў навучаньня стануць каля 60% жадаючых. Такі прагноз агучыў Рэспубліканскі інстытут кантролю ведаў.