«Крыжам на сьвецкім характары ВНУ» называюць студэнты Маскоўскага інжынэрна-фізычнага інстытуту ініцыятыву кіраўніцтва па замене скульптуры студэнта праваслаўным крыжом напярэдадні візыту патрыярха Кірыла. Незадаволеныя навучэнцы адправілі зварот у пракуратуру з патрабаваньнем прыбраць крыж і цяпер рыхтуюцца да «актыўных публічных дзеяньняў».

Старшыня камісіі па адукацыі, навуцы і навукова-тэхнічнаму прагрэсу ніжняй палаты парлямэнту Уладзімір Здановіч, выступаючы 23 лютага на пашыраным паседжаньні камісіі, заявіў, што праект Кодэксу аб адукацыі ўтрымлівае забарону на дзейнасьць у ВНУ палітычных партыяў і рэлігійных арганізацыяў.

Паліцыя Саудаўскай Арабіі праводзіць ператрусы ў мясцовых крамах. Супрацоўнікі праваахоўных органаў каралеўства шукаюць тавары, якія маюць дачыненьне да сьвяткаваньня Дня сьвятога Валянціна. У Саудаўскай Арабіі гэта сьвята забароненае.

Каб прыцягнуць увагу моладзі да рэлігіі, будыйскія манахі зь японскага храму вырашылі стаць «бліжэй да народу» і адчынілі «Манаскі бар». Засваеньню вучэньня ў бары дапамагаюць ня толькі сьпіртовыя напоі, але й выкананыя гіп-гопам мантры.

Бацькі адзінаццацігадовай дзяўчынкі Мэдлен, якая хварэла на цяжкую форму дыябэту, асуджаныя амэрыканскім судом за тое, што не зьвярталіся да дактароў да самай сьмерці дачкі. На працягу 6 месяцаў яны лячылі дзяўчынку малітвамі.

Адна зь дыяцэзій Ніжняй Саксоніі абвесьціла аб намеры закрыць 54 каталіцкія касьцёлы да 2020 году. Прычынай гэтых мер стаў недахоп фінансавых сродкаў і скарачэньне колькасьці прыхаджан.

У дзень ведаў у Сеціве зьявіўся першы ў сьвеце пашукавік, арыентаваны выключна на мусульманаў. ImHalal выдае толькі тую інфармацыю, што пазначаная як «Halal» і дазволеная для прагляду прыхільнікам ісламу.

Крызыс не пакінуў абыякавымі нават слугаў божых. Цяпер яны актыўна ўключыліся ў кампанію па змаганьні з сусьветнай рэцэсіяй шляхам арганізацыі бясплатных фінансавых і юрыдычных кансультацый.

Ватыкан цяпер цалкам прызнаў, што Чарльз Дарвін меў рацыю, калі сьцьвярджаў, што чалавек паходзіць ад малпы. Прадстаўнік каталіцкай царквы заявіў учора, што эвалюцыйная тэорыя Чарльза Дарвіна не супярэчыць біблейскай вэрсіі стварэньня сьвету і жывых арганізмаў.

Наступствы глябалізацыі могуць зачыніць дзьверы ў Рай. Ватыкан, упершыню за паўтары тысячы год, перагледзеў сьпіс сьмяротных грахоў з улікам асаблівасьцяў эры глябалізацыі. Цяпер дадаліся, напрыклад, экспэрымэнты з ДНК і разбурэньне навакольнага асяродзьдзя.