Мэр амэрыканскага гораду Топіка, што ў паўднёвым штаце Канзас, заклікае гараджан згадзіцца на часовае перайменаваньне гораду ў ‘Google’ дзеля таго, каб заваяваць права разьмесьціць першую высокахуткасную сетку перадачы дадзеных.

Студэнты Каліфарнійскага ўнівэрсытэту ў Сан-Дыега зладзілі акцыю пратэсту і ўварваліся ў офіс рэктара з-за вісельнай пятлі, якая была знойдзеная напярэдадні ва ўнівэрсытэцкай бібліятэцы.

Суд Мілану прыгаварыў супрацоўнікаў кампаніі Google да шасьці месяцаў зьняволеньня за дазвол разьмесьціць на сайце відэа, на якім прадэманстраваныя зьдзекі над хворым падлеткам.

«У міліцыю, у тым ліку на сайт ГУУС, паступіла нямала пытаньняў аб адказнасьці ў выпадку, калі, напрыклад, бутэлька піва знаходзіцца ў пакеце. Ці маюць права супрацоўнікі міліцыі зазірнуць у пакет і прыняць нейкія меры?» — адзначаюць у РУУС.

Увесьці ліцэнзіі для пэдагогаў — такі чарговы «крэатыў» зьявіўся ў дэпутатаў ППНС у часе распрацоўкі Кодэксу аб Адукацыі. Пра гэта журналістам паведаміў сёньня дэпутат Здановіч. Акрамя таго ідзе абмеркаваньне магчымасьці пашырыць сьпіс спэцыяльнасьцяў, для паступленьня на якія неабходна прайсьці прафэсійна-псыхалягічнае сумоўе.

Старшыня камісіі па адукацыі, навуцы і навукова-тэхнічнаму прагрэсу ніжняй палаты парлямэнту Уладзімір Здановіч, выступаючы 23 лютага на пашыраным паседжаньні камісіі, заявіў, што праект Кодэксу аб адукацыі ўтрымлівае забарону на дзейнасьць у ВНУ палітычных партыяў і рэлігійных арганізацыяў.

Любыя палітычныя рэклямныя кампаніі зьвязаныя з выкарыстаньнем Twitter раней, чым за 180 дзён да галасаваньня мусяць быць абмежаваныя — вырашыла Нацыянальная выбарчая камісія Паўднёвай Карэі.

Сёньня дзень сьвятога Валянціна, але са сьвяткаваньнем яго ў розных частках сьвету могуць выйсьці запары. Канешне, калі не чытаць мясцовых законаў, якія бываюць надзвычай дзіўнымі. Што будзе з тымі, хто вырашыць заняцца сэксам перад домам пасьля заходу сонца ў амэрыканскай Мантане, і што ня можа рабіць сьвіньня ў аэрапорце ў Тэхасе. Крыху трэшняка на Generation.bY.

Мусульманскія лідэры Інданэзіі параілі сваім пасьлядоўнікам адмовіцца ад сьвяткаваньня грахоўнага дню сьвятога Валянціна, бо гэта можа прывесьці да «вольнага каханьня».

Паліцыя Саудаўскай Арабіі праводзіць ператрусы ў мясцовых крамах. Супрацоўнікі праваахоўных органаў каралеўства шукаюць тавары, якія маюць дачыненьне да сьвяткаваньня Дня сьвятога Валянціна. У Саудаўскай Арабіі гэта сьвята забароненае.