Канфэрэнцыю пад назвай «Будучае пачынаецца сёньня!» ладзіць Міністэрства адукацыі на Інстытуце журналістыкі БДУ. На ёй чыноўнікі падымуць пытаньне аб сыстэме разьмеркаваньня напярэдадні разгляду закону, які робіць яе яшчэ больш жорсткай.

Мінадукацыі адмовіла былой другакурсьніцы БДУ Тацяне Шапуцьцы ў аднаўленьні на вучобе. Дзяўчына была адлічаная з 2 курсу юрфаку БДУ пасьля ўдзелу ў Форуме Грамадзянскай супольнасьці «Ўсходняга Партнэрства» ў Брусэлі.

Дэлегацыю Савету Эўропы на чале з кіраўніком яго Дырэктарату па пытаньнях моладзі і спорту Ральфам-Рэнэ Вайнгертнэрам сёньня будуць прымаць у БДУ. Госьці правядуць перамовы з кіраўніцтвам БДУ з удзелам прадстаўнікоў Мінадукацыі, наведаюць Інфармацыйны пункт СЭ і экспазыцыю Музэя гісторыі БДУ.

Дацэнт катэдры агульнай матэматыкі і інфарматыкі БДУ Аляксандр Самадураў ужо 20 гадоў выкладае студэнтам толькі па-беларуску. Пра моўныя асаблівасьці ў матэматыцы, тэрміналёгію і паразуменьні матэматыкаў розных краінаў — у інтэрвію выкладчыка «Народнай газеце».

Студэнтцы 2 курса юрыдычнага факультэту Беларускага дзяржаўнага ўнівэрсытэту Марыі Квіцінскай пагражаюць незнаёмыя людзі. Марыя зьвязвае гэта з удзелам у зборы подпісаў у падтрымку адлічанай аднагрупніцы Тацяны Шапуцькі.

Другакурсьніца Тацяна Шапуцька, адлічаная з БДУ з-за ўдзелу ў форуме грамадзянскай супольнасьці краін Усходняга Партнэрства, стала аб’ектам рознагалосьсяў паміж ЭЗ і беларускімі афіцыйнымі асобамі. З адкрытым лістом у падтрымку адлічанай студэнткі юрфаку выступілі яго былыя выпускнікі, прадстаўнікі беларускай грамадзянскай супольнасьці і швэдзкія праваабаронцы.

У новым навучальным годзе месцы ў інтэрнатах змаглі атрымаць пяць з паловаю тысяч студэнтаў Беларускага дзяржаўнага ўнівэрсытэту. Гэта прыкладна палова тых, каму патрэбна жытло.

Унівэрсытэт можа даць жыльлё ў інтэрнаце толькі 26–27% студэнтаў, а без жыльля застаюцца яшчэ 2700 студэнтаў. Ужо чацьверты год навучальная ўстанова займаецца пошукам жыльля для сваіх студэнтаў. Сёлета рэкляма са зваротам да гаспадароў сталічных кватэраў зьявілася і ў менскім мэтро.

Беларускі і кубінскі ўнівэрсытэты будуць абменьвацца студэнтамі, выкладчыкамі, навучальнай літаратурай, ладзіць супольныя канфэрэнцыі, сэмінары і іншыя мерапрыемствы. Дамова падпісаная ў часе вандроўкі нядаўна прызначанага рэктара БДУ прафэсара Сяргея Абламейкі на Кубу.

Два супрацоўнікі КГБ сёньня спрабавалі завэрбаваць студэнта першага курсу БДУІРА Паўла Ляшковіча, які навучаецца на факультэце «Інфармацыйныя тэхналёгіі». Падставай да «супрацоўніцтва» хлопцу, які не зьяўляецца актывістам палітычных арганізацыяў, было названае кола яго кантактаў у Сеціве і некалькі выездаў за мяжу. Павал распавёў Generation.bY падрабязнасьці свайго непрыемнага знаёмства.