Для таго, каб стаць багатым чалавекам у цяперашняй Беларусі, эканамічная адукацыя зусім не патрэбная. Найлепш павучыцца ў тэхнічнай ВНУ, атрымаўшы, напрыклад, матэматычную ці IT адукацыю. Пры гэтым першая ВНУ краіны далёка ня першая па колькасьці выпускнікоў-багацеяў. Да такіх высноваў прыйшлі журналісты пасьля аналізу дыплёмаў найбольш пасьпяховых бізнэсмэнаў Беларусі.

У першыя тры месяцы 2012 году ў Беларусі быў пастаўлены чарговы рэкорд у колькасьці разводаў. Адначасова адбылося моцнае скарачэньне лічбаў новых шлюбаў: граць вясельлі сёлета сталі на 20% радзей. Пры гэтым кожны 20-ы шлюб у Беларусі зарэгістраваны з замежнікам.

Літоўскія студэнты вырашылі праверыць, колькі зь іх можа ўлезьці ў стандартны міжнародны аўтобус на 54 чалавекі. Апынулася, што студэнцкія магчымасьці дазваляюць разьмесьціць у аўтобусе людзей у тры разы болей за тое, што прадугледжана канструктарамі.

Спроба адкасіць ад савецкага войска ў Літве цяпер лічыцца ня толькі бяскрыўдным учынкам, але і вымушаным геройствам. Прынамсі, у тым выпадку, калі прызыўнік альбо салдат зьбеглі альбо адмовіліся ад службы ў 1990–1991 гадах. Адпаведныя папраўкі ў законы былі прынятыя ў Літве надоечы.

Магчыма неяк так бы выглядала беларуская Плошча варыянту году 2001-га, калі б тады ўжо прыдумалі Твітар. Сотні людзей, што прыйшлі праз інтэрнэт-заклікі у цэнтар гораду, каб там пад клятчатымі пледамі аб’яднацца ў суполкі па цікаўнасьцях. Ад кіраўнічай, дзе мясцовыя «віпы» абмяркоўваюць будучыню руху, да айцішнікаў, што дыскутуюць, як лепей разьмясьціць у мястэчку сетку вольнага вай-фаю. Гэтак нечакана кропка ў цэнтры сталіцы новапуцінскай Расеі стыхійна ператварылася ў цэнтар свабоды.

Generation.by працягвае сэрыю інтэрвію з аднагодкамі пра мары дзяцінства, першыя прынцыпы і дасягненьні. Музыкант і актор Vinsent — ў рубрыцы «Кім я стану, калі вырасту».

Гурт «Крамбамбуля» Лявона Вольскага распачаў трохдзённую сэрыю канцэртаў у сталіцы Літвы зь неверагодна эмацыйнага выступу ў клюбе Loftas у суботу 28 красавіка.

Generation.by пачынае сэрыю інтэрвію з аднагодкамі. Пра мары дзяцінства, пра першыя дасягненьні, пра аднаклясьнікаў і іх канфармізм, пра тое, якім будзе наша заўтра. Раман Жыгараў і Стас Мытнік з гурта «Akute», якія днямі выдалі свой новы альбом, сёньня распачынаюць сэрыю «Кім я стану, калі вырасту».