ААЦ адабраў у сайта onliner.by даменнае імя

Аператыўна-аналітычны цэнтр пры прэзідэнце Беларусі паведаміў сёння, што прыняў рашэнне аб выключэнні Onliner.by з рэестра нацыянальнай даменнай зоны за парушэнне заканадаўства аб гандлі.

Інфармацыя пра гэта з'явілася на сайце ААЦ увечары суботы 20 снежня. Праз некалькі хвілін пасля з'яўлення паведамлення, сайт onliner.by стаў недаступным.

«У сувязі з выяўленымі Міністэрствам гандлю Рэспублікі Беларусь парушэннямі уладальнікам інтэрнэт-рэсурсу onliner.by заканадаўства аб гандлі, у тым ліку рэгулюе парадак рэалізацыі тавараў (работ, паслуг) з выкарыстаннем сеткі Інтэрнэт, і непрыняцці ў раней устаноўленыя тэрміны мер па іх ліквідацыі, 20 снежня 2014 прынята рашэнне аб выключэнні адпаведнага даменнага імя з рэестра нацыянальнай даменнай зоны».

Цікава, што паведамленне выкладзенае на сайце ААЦ, уключае выяву з старым лагатыпам Onliner, які не выкарыстоўваецца рэсурсам ужо шмат гадоў.

Адміністрацыя Onliner.by пакуль не каментуе сітуацыю, у твітэры на шматлікія звароты з'явіўся допіс OnlinerBY, што яны чыталі навіну і разбіраюцца ў сітуацыі.

Раніцай твітэр кампаніі паведамляў, што сёння яны будуць працаваць на 30% меней, чым звычайна, «калі ў краіне ўсё будзе спакойна», бо ладзяць карпаратыў. 

UPD 22:30: Onliner вядзе тэхнічныя працы па аднаўленні працы сайта на дамене onliner.ru

comments powered by Disqus
 
In 0.1386 seconds.