Урад нашых усходніх суседзяў плянуе ў ліпені 2009 году прыняць пастанову аб правядзеньні ў Расеі экспэрымэнту па стварэньні прыкладнога бакаляўрыята ва ўстановах сярэдняй і вышэйшай прафэсійнай адукацыі.

­Сыктыўкарскі блогер Сава Цярэнцьеў прысуджаны да аднаго году ўмоўна. Паводле рашэньня, якое было прынятае сёньня гарадзкім судом, хлопец прызнаны вінаватым у злачынстве, прадугледжаным часткай 1 артыкул­а 282 УК РФ, за распальваньне сацыяльнай варожасьці празь Інтэрнэт.

За дзень да фэста «Mega Біт», які пра­ходзіў 29 чэрвеня ў Маскве ў межах сьвята газэты «МК», гурт «Ляпіс Трубяцкой» даведаўся, што імпрэзу спансуе палітычная партыя «Единая Россия». Няглед­зячы на папярэдні анонс, гурт адмовіўся ад удзелу з-за палітычнай ангажаванасьці фэстываля. Акрамя «Ляпісаў» на бясплатным фэсьце ў апошні момант адмовіліся граць таксама «Мумий Троль», «Тараканы» і яшчэ некалькі гуртоў.­

360 беларускіх студэнтаў ад’ехалі ўчора ў Маскву па амэрыканскія візы. Студэнты разьлічваюць атрымаць візы, каб у часе вакацыяў папрацаваць і падвучыць ангельскую мову ў ЗША.

З 1 верасьня ў адной з расейскіх ВНУ папяровыя залікоўкі заменяць на электронныя. Гэта будзе плястыкавая картка з поўнай інфармацыяй пра студэнта: наведвальнасьць і бягучыя адзнакі. Папераў на іспыце будзе меней, а паставіць адзнаку стане прасьцей.­

У Пензе за абразу выкладчыкаў на сайце «pomoyka.pnz.ru» непаўнагадовы студэнт па рашэньні суда мусіць выплаціць па 85 даляраў кожнаму з абражаных.­

Выкананьне адміністратыўнага пакараньня ў выглядзе прыпыненьня дзейнасьці Эўрапейскага Ўнівэрсытэту ў Санкт-Пецярбургу было датэрмінова прыпыненым сёньня Дзяржынскім раённым судом Санкт-Пецярбургу. Раней з-за парушэньня правілаў пажарнай бясьпекі, знойдзеных падчас некалькіх праверак, стаяла пытаньне аб зачыненьні Ўнівэрсытэту.

У Расеі, як і ў Беларусі, плянуецца ўжыць адміністратыўны рэсурс для абмежаваньня колькасьці студэнтаў на прэстыжных спэцыяльнасьцях. Пачнецца ўсё зь юрыстаў. З 1500 ВНУ, дзе рыхтуюць юрыстаў, застанецца 60–70. Дзьмітры Мядзьведзеў лічыць, што гэтага дастаткова для забесьпячэньня краіны юрыстамі, пры ўмове, што ўсе выпускнікі пойдуць працаваць па спэцыяльнасьці.

Суд па справе Савы Цярэнцьева — расейскага блогера, якому паграджае да двух год зьняволеньня за камэнтар у жж — адбудзецца 31 сакавіка. Адвакаты і праваабаронцы прыводзяць доказы незаконнасьці абвінавачваньня і будуць патрабаваць вяртаньня справы ў следчыя органы. Напрыклад, Уладзімір Пуцін прапаноўваў адсякаць варам рукі, але ніхто да суду яго не прыцягваў.

Пытаньне аб увядзеньні абавязковага разьмеркаваньня ўздымаецца ў Расеі цягам некалькіх год. У 2005 міністар адукацыі РФ называў прапановы ўвесьці 5-гадовае разьмеркаваньне антыканстытуцыйнымі. Дзьмітры Мядзьведзеў, наадварот, лічыць ідэю добраю і раіць рэктарам заключаць дамовы зь бюджэтнікамі.