Перад іспытам ва ўнівэры ці сумоўем на працы лепей прабегчы пару колаў па стадыёне. Навукоўцы з Кэмбрыджзкага ўнівэрсытэту сьцьвярджаюць, што бег трусцою станоўча ўплывае ня толькі на цела, але й на мозг.

Вас называюць «гікам» і вы крыўдуеце? Вось і амэрыканскі прафэсар псыхалёгіі Дэвід Андэрэгг лічыць, што такія слоўцы ствараюць неспрыяльную аўру вакол матэматыкаў і кампутаршчыкаў і адштурхоўваюць маладое пакаленьне ад заняткаў навукай. На думку прафэсара, «гік» — словам амаль што расісцкае, таму яго варта забараніць.

Ніводзін беларус ніколі не станавіўся ляўрэатам Нобэлеўскай прэміі? Але як мінімум 14 вядомых навукоўцаў і палітыкаў, атрымаўшых гэту прэмію, паходзяць зь Беларусі. Сярод іх можна сустрэць такія знаёмыя прозьвішчы, як Рабін, Пэрэс, Сьміт. Хто гэтыя людзі, і чаму пакінулі Беларусь?

У ходзе новага дасьледаваньня эканамістаў Вялікабрытаніі высьветлілася, што брытанская навуковая супольнасьць губляе ўсё больш кадраў з-за «ўцечкі мазгоў».

Новазэляндзец Грант Раян вынайшаў чарговы ровар. Складны, электрычны і да таго ж рухаецца з хуткасьцю 20 км/г. Трэба ісьці — паклаў у торбу і ідзеш з роварам на плячы, ёсьць магчымасьць ехаць — расклаў байк і паехаў.

Для раскладаньня плястыкавага пакету патрэбныя тысячы год — але 16-гадовы ўдзельнік навуковых спаборніцтваў Даніэль Бурд вынайшаў шлях рабіць гэта ўсяго за тры месяцы. Крыху бактэрый, дражджэй і вадзічкі спатрэбілася яму, каб узяць прыз у 30 тысяч даляраў.

У штаб-кватэры ЮНЭСКА прайшла цырымонія адкрыцьця Сусьветнай лічбавай бібліятэкі. На wdl.org любы карыстальнік Сеціва можа пазнаёміцца з электронным сховішчам інфармацыі па культурных дасягненьнях розных народаў сьвету.

Чвэрць усіх дакумэнтаў, якія прадстаўляюць у бібліятэцы Беларусь — першыя каляровыя здымкі нашых земляў — зьявіліся ў сховішчы дзякуючы працы менскіх энтузіястаў. Аляксандар і Павал Вейнікі распавялі Generation.bY пра асаблівасьці працы над унікальнай калекцыяй.

Разумовыя здольнасьці чалавека дасягаюць свайго піку ў 22 гады, а пасьля 27 год пачынаюць памяншацца, сьцьвярджаюць амэрыканскія навукоўцы ў выніку дасьледаваньня 2000 чалавек ва ўзросьце ад 18 да 60 год.

Ватыкан цяпер цалкам прызнаў, што Чарльз Дарвін меў рацыю, калі сьцьвярджаў, што чалавек паходзіць ад малпы. Прадстаўнік каталіцкай царквы заявіў учора, што эвалюцыйная тэорыя Чарльза Дарвіна не супярэчыць біблейскай вэрсіі стварэньня сьвету і жывых арганізмаў.

Чалавечая мова разьвіваецца пад узьдзеяньнем культуры, але ня генаў, абвяшчае дасьледаваньне лёнданскага прафэсара Nick Chater. Ня гледзячы на тое, што часам падаецца нібыта ў чалавека ёсьць генэтычная схільнасьць да мовы, насамрэч мова зьмяняецца занадта хутка для таго, каб за ёй пасьпявалі гены.