Дыплём дасьледчыка пачнуць выдаваць у Беларусі ў выпадку прыняцьця Кодэксу аб адукацыі. На такі дыплём змогуць разьлічваць тыя выпускнікі асьпірантуры, што не атрымалі ступень кандыдата навук.

Навукоўцы высьветлілі, што нядаўні землятрус у Чылі, які прынёс шматлікія ахвяры, зрушыў зямную вось на 8 сантымэтраў і скараціў суткі на 1.26 мільённая долі сэкунды.

Брытанская карпарацыя BBC наладзіла апытаньне амаль 11 тысяч карыстальнікаў Сеціва з 19 краінаў. Першыя вынікі апытаньня сьведчаць, што 30% інтэрнэтчыкаў абіраюць Сеціва як прыдатнае месца для пошукаў каханьня.

Брытанскі матэматык вывеў формулу каханьня, вызначыўшы, што шанец знайсьці сваю сапраўдную другую палову на Зямлі складае 1 да 285 тысяч. Грунтуючыся на выніках свайго дасьледаваньня, матэматык высьветліў, што толькі 26 з 30 мільёнаў жанчын Вялікабрытаніі могуць стаць яго сапраўднымі спадарожніцамі па жыцьці.

Якім бы вялікім ня быў сьпіс нашых фрэндоў у сацыяльных сетках, больш чым са 150 людзьмі падтрымліваць сяброўства мы ніяк ня здолеем, кажуць вынікі дасьледаваньня брытанскага навукоўца.

Перад іспытам ва ўнівэры ці сумоўем на працы лепей прабегчы пару колаў па стадыёне. Навукоўцы з Кэмбрыджзкага ўнівэрсытэту сьцьвярджаюць, што бег трусцою станоўча ўплывае ня толькі на цела, але й на мозг.

Мэханічны голас выбранага вашымі ўласнымі рукамі камэнтатара распавядае апошнія навіны бізнэсу і музыкі, «самапішучыяся» спараваздачы-рэпартажы з чэмпіянату краіны па футболе. Так уяўляюць будучыню журналістыкі ў адным з унівэрсытэтаў ЗША, дзе навукоўцы занятыя стварэньнем зьяднаных зь інтэрнэтам кампутарных праграм, якія б самі маглі кампанаваць выпускі навінаў.

У ходзе новага дасьледаваньня эканамістаў Вялікабрытаніі высьветлілася, што брытанская навуковая супольнасьць губляе ўсё больш кадраў з-за «ўцечкі мазгоў».

Найбольш істотнай каштоўнасьцю беларуская моладзь лічыць здароўе. Аднак піва маладыя людзі ад 18 да 29 гадоў п’юць ня менш, чым пяць гадоў таму, паліць сталі болей, а займацца спортам меней. Такія дадзеныя атрыманыя ў выніку нядаўняга сацыялягічнага дасьледаваньня інфармацыйна-аналітычнага цэнтру.

Ужо ў першыя дні жыцьця дзеці пачынаюць плакаць з нацыянальным «акцэнтам», а мову маці яны ўспрымаюць у час цяжарнасьці, кажуць вынікі дасьледаваньня, у час якога навукоўцы ўважліва прыслухоўваліся да плачу нованароджаных немцаў і французаў.