Любыя палітычныя рэклямныя кампаніі зьвязаныя з выкарыстаньнем Twitter раней, чым за 180 дзён да галасаваньня мусяць быць абмежаваныя — вырашыла Нацыянальная выбарчая камісія Паўднёвай Карэі.

Сацыяльная сетка Twitter займаецца распрацоўкай тэхналёгіі, што дазволіць яе карыстальнікам пазьбегнуць цэнзуры, якую ўвялі некалькі дзяржаў у нацыянальных сэктарах Інтэрнэту. Па словах заснавальніка Twitter, праграмісты рыхтуюць «цікавыя трукі», якія дапамогуць абысьці спробы заблякаваць гэты сайт.

Радыёжурналісты з Канады, Францыі, Бэльгіі і Швэйцарыі адважыліся на цікавы экспэрымэнт. Яны год пражывуць у сельскай глыбінцы ў Францыі, падтрымліваючы сувязь з навакольным сьветам толькі праз Twitter і Facebook, каб высьветліць, ці будуць яны ў курсе падзеяў сьвету без звычайных камунікацыяў.

Амэрыканскага прадусара Джеймса Ропа арыштавалі за адмову напісаць паведамленьне ў сацыяльную сетку Twitter, што паліцыя кваліфікавала як адмову супрацоўнічаць зь ёй. Адбылося гэта ў час аўтаграф-сэсіі 15-гадовага канадзкага сьпевака Джастына Бібера, на якую сабралася каля 3 000 юных фанатак і іх бацькоў.

Слова «Unfriend» альбо «адфрэндзіць» стала словам году ў ЗША па вэрсіі выдавецтва Oxford University Press. «Адфрэндзіць» было выбранае лінгвістамі сярод іншых слоў-фіналістаў, якія збольшага зьвязаныя зь Сецівам.

Студэнты журналісцкіх праграм унівэрсытэту ў аўстралійскім Брысьбене абавязаныя вывучаць сэрвіс мікраблогінгу Twitter на адмысловым курсе, арганізаваным у гэтым годзе. Цяпер допісы навучэнцаў праграмы мусяць быць асэнсаванымі, тым больш за іх студэнты будуць атрымліваць адзнакі.

У Менску адкрылася канфэрэнцыя «Дзелавы інтэрнэт». Ужо ў першую гадзіну працы канфэрэнцыі высьветлілася, што ў Беларусі «няма інфармацыйнага грамадзтва», а ўвесь вартасны і роставы пазытыў мінулага году ўраўнаважваецца праблемамі ў разьвіцьці тэхналёгій перадач дадзеных, якія пасьпелі ўзьнікнуць у краіне за апошні год.

Але ўсе гэтыя цікавыя збольшага толькі «айцішнікам» працэсы згасалі на фоне небывалай актыўнасьці беларускіх юзэраў у новамоднай сацыяльнай сетцы Twitter, дзе адбывалася абмеркаваньне канфэрэнцыі ў жывым часе.

Шэраг нямецкіх палітыкаў заявілі пра неабходнасьць неяк абмежаваць працу папулярнага сэрвісу мікраблогаў Twitter, бо лічаць, што ён можа быць выкарыстаны для агалошваньня прамежкавых вынікаў галасаваньня яшчэ да закрыцьця выбарчых участкаў. Цікава, што «ўцечкі інфармацыі» праз Twitter пужаюць як правых, так і левых палітыкаў.

Сацыяльныя сеткі дасягнулі такой папулярнасьці, што палітыкі і ўрады для падтрымкі іміджу мусяць заводзіць свае віртуальныя прадстаўніцтвы на сэрвісах мікраблогінгу, відэа-хостынгах і ў Facebook. У выніку Барак Абама ператварыўся ў вядомага мікраблогера. Не адстаюць ад яго і Мядзьведзеў з Бэнэдыктам XVI.

Калі дакладна палітыкі прасяклі фішку і пачалі юзаць новамэдыйныя сэрвісы, сказаць ужо цяжка. Адным з першых і самых актыўных быў, тады яшчэ кандыдат у прэзыдэнты ЗША, Барак Абама.

Рэгулярна абнаўляць свой вінны статус заклікаюць заснавальнікі новага мэтаду дэгустацыі: крызысныя часы прымушаюць вінаробныя кампаніі пераходзіць на он-лайн дэгустацыю він.