На кожным буйным прадпрыемстве створаць філію катэдраў ВНУ, куды адправяць практыкавацца студэнтаў ужо з трэцяга курсу. Працягласьць практыкі павялічаць, каб «прышпіліць» студэнта да будучай працы. Акрамя гэтага Лукашэнка прапанаваў перанесьці «цэнтар цяжару» адукацыйных працэсаў на фэрмы і палі».

Нягледзячы на шматлікія заявы беларускіх чыноўнікаў аб неабходнасьці рэформы працэдуры залічэньня ва ўнівэрсытэты, у правілах набору 2012 году зьменаў амаль ня будзе. Мінадукацыі абмежавалася ўсталяваньнем мінімальнага балу па тэстах.

БДУІР ужо тры гады набірае на навучаньне студэнтаў на ангельскамоўныя спэцыяльнасьці. Але вучыцца на іх пакуль згадзіліся толькі каля 40 студэнтаў. Цяпер унівэрсытэт адкрые набор яшчэ на тры спэцыяльнасьці. Але выкладчыкаў для іх не хапае ўжо цяпер.

Цягам мінулага навучальнага году студэнтамі перасталі быць 15 тысячаў чалавек. На думку намесьніка міністра адукацыі Аляксандра Жука, гэта «даволі шмат».

Міністэрства адукацыі ўсё болей упэўнена кажа аб плянах усталяваць бар’еры для абітурыентаў, якія набіраюць толькі некалькі балаў па цэнтралізаваным тэстам. Такім чынам чыноўнікі спадзяюцца не дапусьціць да ўступнай кампаніі каля 5% абітурыентаў, што здольныя адказаць на ЦТ меней чым на 15 балаў.

Скароцяць найперш набор на аддзяленьні прыватных ВНУ. Завочнікаў у гэтых інстытутах стане адразу на 2.5 тысячы меней. Міністэрства адукацыі марыць давесьці лічбу студэнтаў завочнага да 30–40 тысячаў (цяпер кожны другі першакурсьнік — завочнік).

Беларусь цалкам выканала рэкамэндацыі Балоньскай дэклярацыі і спадзяецца далучыцца да агульнай адукацыйнай прасторы Эўропы ў красавіку 2012 году. Аб гэтым заявіў намесьнік міністра адукацыі Аляксандр Жук.

Мінадукацыя распрацоўвае ўласны рэйтынг беларускіх ВНУ, а таксама хоча раздаваць дадаткі да дыплёму эўрапейскага ўзору з 2012 году. У гэтым самым годзе Беларусь плянуе завяршыць працэдуру далучэньня да Балоньскага працэсу.

Міністэрства адукацыі лічыць, што ў Беларусі разьвялося надта шмат завочнікаў і прапануе скараціць іх колькасьць на 20%, каб вярнуць «першапачатковы сэнс» гэтай форме навучаньня. Цяпер амаль кожны другі беларускі студэнт — завочнік.

Міністэрства адукацыі, здаецца, гатовае на ўсё, каб выканаць патрабаваньне прэм’ер-міінстра Мясьніковіча і ў 3.5 разы павялічыць колькасьць замежных студэнтаў у Беларусі. Для гэтага міністэрства зьбіраецца заснаваць адмысловыя стыпэндыі для замежнікаў, а таксама «прапрацоўваць» маладых балканцаў, афрыканцаў і індыйцаў.