Упершыню ў гісторыі ў Беларускім дзяржаўным унівэрсытэце можна будзе атрымаць дыплём, карыстаючыся ў навучаньні выключна ангельскай мовай. Сёлета такія магістратуры ў Беларусі адчыняюць эканамічныя і тэхнічныя ВНУ. Навучаньне ў іх каштуе нямала і разьлічанае найперш на замежнікаў. Але ці паедуць яны засвойваць радыёэлектроніку і кампутарныя навукі ў Беларусь?

Каханьне з крывавымі наступствамі стала прычынай дэпартацыі з краіны двух нігерыйскіх студэнтак Гомельскага мэдунівэрсытэту. За мінулы год болей за двух соцень студэнтак і студэнтаў з-за мяжы былі прыцягнутыя да адміністратыўнай адказнасьці.

БДУІР ужо тры гады набірае на навучаньне студэнтаў на ангельскамоўныя спэцыяльнасьці. Але вучыцца на іх пакуль згадзіліся толькі каля 40 студэнтаў. Цяпер унівэрсытэт адкрые набор яшчэ на тры спэцыяльнасьці. Але выкладчыкаў для іх не хапае ўжо цяпер.