Кодэкс аб адукацыі пісалі і перапісвалі пяць гадоў. У першым чытаньні яго прынялі болей як два гады таму, але толькі ў 2011 г. Лукашэнка паставіў пад ім подпіс. Надоечы міністар адукацыі Сяргей Маскевіч, які ня меў ніякага дачыненьня да працы над кодэксам, заявіў аб тым, што хутка яго пераробяць.

У Гарадзенскім дзяржаўным унівэрсытэце адзначаюць моцнае падзеньне колькасьці студэнтаў, што былі адлічаныя з унівэрсытэту: у параўнаньні зь мінулым годам адсотак «вылецеўшых» скараціўся ў 7 разоў. Пры гэтым расчараваньне ў будучай прафэсіі застаецца другой па папулярнасьці прычынай сыходу студэнтаў з унівэрсытэтаў у Гарадзенскай вобласьці.

21 лютага 2011 году ўпершыню ў гісторыі Беларусі Эўразьвязам былі ўведзеныя санкцыі супраць 5 беларускіх рэктараў. Агулам сярод 231 асобы, што цяпер маюць статус неўязных у ЭЗ, толькі сем чалавек унесеныя ў «чорныя сьпісы» за адлічэньні беларускіх студэнтаў. Іх шэнгенскія візы ануляваныя, а рахункі ў эўрапейскіх банках заблякаваныя. Але гэта не галоўныя страты, што панесьлі кіраўнікі ВНУ і беларуская адукацыя агулам праз увядзеньне візавых санкцый.

Сёлетнія тэмпы адлічэньняў з ВНУ хутчэйшыя за мінулагоднія: за поўны 2010–2011 навучальны год з унівэрсытэтаў сышлі 15 тысячаў студэнтаў, а за палову гэтага году — 10 тысячаў. Адукацыйныя чыноўнікі наракаюць на непасьпяховасьць студэнтаў, хаця ў некаторых унівэрсытэтах траціна студэнтаў сыходзіць па сваім жаданьні.

Наста Шулейка, якая навучалася на другім курсе Інстытута Журналістыкі, даведалася пра сваё адлічэньне ў Дзень Сьвятога Валянціна. Дзяўчыну дагэтуль некалькі разоў затрымлівалі за актыўную грамадзкую дзейнасьць, унівэрсытэт выносіў ёй за гэта вымову.

Адбылося гэта на цырымоніі падпісаньня пагадненьня паміж БРСМ і студсаюзам БДУ. Прадстаўнікі «самакіраваньня» дамовіліся разам «рэалізоўваць дзяржаўную моладзевую палітыку».

Трое палітычных актывістаў адлічаныя зь Менскага дзяржаўнага лінгвістычнага ўнівэрсытэту. Студэнты зьвязваюць справу зь іх палітычнай дзейнасьцю і называюць незаконным «афіцыйнае папярэджаньне», якое навучэнцам вынесла рэктар унівэрсытэту некалькі месяцаў таму.

Малады навуковец Аляксей Паўлоўскі праз суд дамогся скасаваньня незаконнага загаду аб адлічэньні з асьпірантуры Інстытуту фізыялёгіі Акадэміі навук. Як лічыць студэнт, праз адлічэньне інстытут зводзіў зь ім рахункі за яго грамадзянскую пазыцыю: хлопец актыўна дамагаўся месца ў інтэрнаце. У выніку ён усё ж дамогся ад дзяржаўных структур выкананьня іх жа правілаў.

Нацыянальныя студэнцкія аб’яднаньні Польшчы і Літвы выступілі з заявамі, заклікаючымі эўрапейскія інстытуцыі адрынуць беларускую заяўку на далучэньне да Балоньскага працэсу. Паводле іх меркаваньня, беларуская вышэйшая адукацыя поўная рэпрэсій супраць студэнтаў і не адпавядае эўрапейскім поглядам на акадэмічныя свабоды.

Буйнейшая студэнцкая арганізацыя кантынэнту Эўрапейскі студэнцкі зьвяз выступіла супраць далучэньня Беларусі да адзінай адукацыйнай прасторы Эўропы. Прынамсі, у бліжэйшыя гады.