Намесьнік кіраўніка адміністрацыі прэзыдэнта Аляксандр Радзькоў лічыць, што асобны інстытут філязофіі Беларусі не патрэбны. Яго, як і тры інстытуты эканомікі і Інстытут машынабудаваньня пры Акадэміі могуць закрануць значныя рэформы.

Малады навуковец Аляксей Паўлоўскі праз суд дамогся скасаваньня незаконнага загаду аб адлічэньні з асьпірантуры Інстытуту фізыялёгіі Акадэміі навук. Як лічыць студэнт, праз адлічэньне інстытут зводзіў зь ім рахункі за яго грамадзянскую пазыцыю: хлопец актыўна дамагаўся месца ў інтэрнаце. У выніку ён усё ж дамогся ад дзяржаўных структур выкананьня іх жа правілаў.

З Інстытуту гісторыі Нацыянальнай акадэміі навук звольнены вядомы дасьледчык, кандыдат гістарычных навук Яўген Анішчанка.

Агульны сход Нацыянальнай акадэміі навук не зацьвердзіў новага статуту акадэміі. Прычынай гэтаму сталася адсутнасьць кворуму, неабходнага для прыняцьця такога рашэньня. Плянуецца, што гэтае пытаньне будзе перанесенае на разгляд другога агульнага сходу НАН, які мае адбыцца ў красавіку.

Навукоўцы Нацыянальнай акадэміі навук (НАН) накіравалі Аляксандру Лукашэнку й ураду краіны ліст пратэсту супраць праекту новага статуту НАН. Яны заяўляюць, што з прыняцьцем статуту, айчыннай навуцы пагражае канчатковы заняпад. Паводле кіраўніцтва акадэміі, гэткая пазыцыя шэрагу акадэмікаў і член-карэспандэнтаў прадыктаваная ня клопатамі пра навуку, а палітыканствам.