Гурт «J:морс» падчас выступу на курсах «Мова Нанова» прэзентаваў беларускую версію свайго сінгла «Асфальт». Яна стала вынікам супольнай творчасці Уладзіміра Пугача і слухачоў курсаў.

У панядзелак у Менску ў адзін і той жа час, але ў розных кропках горада, вельмі падобныя курсы беларускай мовы «Мова ці кава» і «Мова нанова», зладжаныя рознымі камандамі, якія раней працавалі разам, сабралі аншлагі. Generation.by паспеў наведаць абодва заняткі. Як і каму цікава вывучаць мову нанова — у рэпартажы.

Дасьледчыкі з Тэхаскага ўнівэрсытэта сьцьвярджаюць, што ананімнасьць, якой могуць карыстацца ўдзельнікі сацыяльных сетак, ёсьць міт.

Нават калі карыстальнік не пазначае прыватныя дадзеныя (такіх як імёны, адрэсы), юзэра «выдае» сама структура ўзаемасувязяў унутры сетак.

У клюбе, ператвораным ў тэатральную кавярню, драматургічнае адлюстраваньне жыцьця прымусіла стаць часткай дзеі. Акторы сярод людзей за столікамі сьмяяліся, размаўлялі, сварыліся, таньчылі, пераапраналіся, ладзілі пэрфомансы. Рэалістычныя, шмат у чым тыповыя пэрсанажы «людзей з рознымі жаданьнямі, якія іх паглынаюць, і якія паглынаюць жаданьні» сьмешна, сумна, жорстка, саркастычна, трагічна зрушылі межы часу і перанесьлі гледачоў у атмасфэру начных кавярняў і клюбаў. Падрабязнасьці, адчуваньні і ўражаньні — у рэпартажы.

6 лютага ў менскім клюбе «Рэактар» адбудзецца прэм’ера новага тэатральнага праекту «Cafe «Паглынаньне».

Праграма Skype, якой многія беларускія журналісты ды актывісты грамадзкіх і палітычных аб’яднаньняў карыстаюцца не толькі таму што зручна, а таму што бясьпечна, чарговы раз трапіла ў скандал. На гэты раз ёсьць доказы, каб пераканацца, што праграма не такая надзейная, як прынята лічыць. Падозраньні скептыкаў, якія не давяраюць закрытаму праграмнаму коду Skype, спраўдзіліся праўда пакуль толькі для Кітаю. Канадзкія дасьледнікі выявілі, што ўсе палітычныя размовы кітайцаў праз адмысловую кітайскую вэрсію Skype адсочваюцца і захоўваюцца на васьмі сэрвэрах.

БелТА надрукавала сёньня выказваньне першай намесьніцы міністра інфармацыі Ліліі Ананіч пра рэгуляваньне інтэрнэта. Зь яе словаў можна зрабіць некаторыя высновы пра пляны ўладаў да Сеціва: «добрасумленныя» інтэрнэт-рэсурсы ў Беларусі будуць разьвіваць, іх выдаўцоў аб’яднаюць у асацыяцыю, а для дэструктыўных замежных «ёсьць вопыт Кітаю».

Познаньская Эканамічная акадэмія прапанавала бясплатнае навучаньне Тацяне Хоме, выключанай раней з БДЭУ. Акрамя гэтага сем вышэйшых навучальных установаў Познані далі пісьмовыя гарантыі дапамагчы працягнуць навучаньне беларускім студэнтам, якіх выключылі з ВНУ Беларусі па палітычных матывах. Канчатковае рашэньне Тацяна Хома прыме пасьля вынікаў суда з БДЭУ.

У Польшчы пасьля Беластоку, акцыя збору подпісаў у падтрымку выключанай з БДЭУ Тацяны Хомы пачалася ў Познані. Тамтэйшыя студэнты, аднак, маюць крыху іншыя патрабаваньні – яны хочуць, каб беларуская студэнтка атрымала стыпэндыю і магчымасьць вучыцца ў Эканамічнай акадэміі ў Познані.

Навукоўцы Нацыянальнай акадэміі навук (НАН) накіравалі Аляксандру Лукашэнку й ураду краіны ліст пратэсту супраць праекту новага статуту НАН. Яны заяўляюць, што з прыняцьцем статуту, айчыннай навуцы пагражае канчатковы заняпад. Паводле кіраўніцтва акадэміі, гэткая пазыцыя шэрагу акадэмікаў і член-карэспандэнтаў прадыктаваная ня клопатамі пра навуку, а палітыканствам.