6 лютага ў Менску прэм’ера тэатральнага праекту «Cafe «Паглынаньне»

6 лютага ў менскім клюбе «Рэактар» адбудзецца прэм’ера новага тэатральнага праекту «Cafe «Паглынаньне».

Іх дні — старонкі часопісаў, пасьпешліва прачытаныя ў анарэксічным трызьненьні, вылізаныя, зьедзеныя… Іх ночы — кавярні з дзьвюхсэнсоўнай кароткай назвай «Паглынаньне», у якіх кожны атрымлівае па сваіх жаданьнях і па сваіх заслугах. Пражэктары ўключаныя, незнаёмы голас вітае публіку і пачынаецца вакханалія ведаў з глянцавых бібліяў. Кожны даведаўся нешта сваё, кожны набыў штосьці чужое. І кожны пастараецца перадаць іншым усё сваё самае глыбока схаванае. Яны прымусяць вас паглынуць імі тое, што ўжо паглынулі, пераварылі і паглынаюць ізноў!

• Рэжысэр — Яўген Карняг (спэктаклі: «C`est la vie. Exercices pres du baton», «Birthday party», «Не танцы», «Бесконечно»)
• Харэограф — Вольга Скварцова (тэатар сучаснай харэаграфіі «D.O. Z. SK.I»)

Выканаўцы:

• Кацярына Аверкава
• Валянціна Гарцуева
• Вольга Скварцова
• Юля Марозава
• Юліана Міхневіч
• Алена Кзырава
• Наташа Кірсанава
• Марына Клімовіч
• Аляксандр Казела
• Мікалай Казанцаў

• Калі: 6.02.2009, 20:00
• Даведкі і замова квіткоў: +37529 6782399.

Інфармацыя паводле прэс-рэлізу