Адразу некалькі гучных крывавых здарэнняў з удзелам студэнтаў адбыліся за апошні час у Гомелі. Усе яны так ці інакш звязаныя з замежнымі навучэнцамі, што прыехалі ў Беларусь з Азіі, найперш Туркменістану, а таксама беларускімі студэнтамі дзяржаўнага ўніверсітэту транспарту.

Больш чым у пяць разоў павялічылася колькасьць беларускіх ВНУ, што возьмуць у наступным годзе ўдзел у эўрапейскай праграме студэнцкага абмену Erasmus Mundus. Студэнты, магістранты, асьпіранты і выкладчыкі гэтых унівэрсытэтаў атрымаюць магчымасьць пазмагацца за некалькі дзесяткаў стыпэндый на навучаньне ў ВНУ Эўразьвязу.

Міністар адукацыі Сяргей Маскевіч прызнаў існаваньне плянаў міністэрства па скарачэньні набору на філялягічныя спэцыяльнасьці па ўсёй краіне і патлумачыў іх недахопам вучняў і закрыцьцём школаў у сельскіх раёнах.

Паводле чыноўнікаў міністэрства гандлю, болей за ўсё з харчаваньнем у сталоўках пашанцавала студэнтам Беларускага дзяржунівэрсытэту транспарту Гомеля, менскага Наргасу і Берасьцейскага дзяржунівэрсытэту. Аб’екты грамадзкага харчаваньня гэтых ВНУ названыя лепшымі ў Беларусі паводле вынікаў конкурсу ўраду.

Дацэнт Магілёўскага дзяржаўнага ўнівэрсытэту харчаваньня 45 разоў парушаў закон, каб зарабіць на студэнтах. Праз гэта ён назьбіраў $8 000. У сярэднім кошт вырашэньня аднаго пытаньня ў выкладчыка складаў $300.

Эканамічны і радыётыхнічны ўнівэрсытэт абвясьцілі аб новых памерах платы за адукацыю. Цяпер эканамісты будуць плаціць за навучаньне столькі ж, колькі і праграмісты, а праграмісты — як раней плацілі юрысты БДУ. Апошнія ж будуць выдаткоўваць на адукацыю амаль па 10 мільёнаў у год.

Для першакурсьнікаў кошты на навучаньне ўзьняліся ў сярэднім на 700 тысячаў, у некаторых выпадках да мільёну рублёў. Найбольшы рост — амаль на 20% — адбыўся ў БДТУ і Магілёўскім дзяржаўным унівэрсытэце, а таксама на 18% — у БНТУ.

У расейскіх студэнтаў новая забаўка: тусавацца, пакуль кінолягі дасьледуюць будынкі іх «замініраваных» ўнівэрсытэтаў. За апошні тыдзень электронныя паведамленьні аб няісных бомбах атрымалі некалькі дзесяткаў расейскіх ВНУ. Апошняй ахвярай электронных тэрарыстаў стаў знакаміты галоўны будынак МДУ.

Студэнты Магілёўскага дзяржаўнага ўнівэрсытэту мусяць папярэджваць кіраўніцтва ня менш як за два тыдні пра плянуемыя паездкі за межы Беларусі, а таксама выключыць несанкцыянаваныя кантакты з прадстаўнікамі замежных краін. Адпаведны загад за № 71 пабачыў сьвет 27 сакавіка ­2008.

­У Менск прыехала вялікая дэлегацыя, ажно больш за 100 чалавек, выкладчыкаў, супрацоўнікаў і студэнтаў Магілёўскага Дзяржаўнага Унівэрсытэта. Кіруе дэлегацыяй непасрэдна рэктар МДУ Кастусь Бандарэнка. Мэта візыту – сустрэча ў ліцэі БДУ «Сучасны ўнівэрсытэт як культурна-адукацыйны і ідэалягічны цэнтар». Прымае гасьцей дэлегацыя БДУ на чале з рэктарам Стражавым.