Больш за 100 вядомых еўрапейцаў са сфераў адукацыі, мастацтва, эканомікі і іншых галінаў звярнуліся да кіраўніцтва Еўрасаюза з адкрытым лістом у падтрымку праграмы студэнцкага абмену «Эразмус». Грамадскасць непакоіцца, што праграма, якая дзейнічае больш за 25 гадоў і якая ўжо дазволіла больш як тром мільёнам студэнтаў атрымаць адукацыю за мяжой, можа быць скарочаная ў мэтах эканоміі.

18 кастрычніка 2012 г. абвешчаны новы набор на праграму навучання Erasmus Mundus, якая дазваляе беларусам павучыцца ад 6 месяцаў да 3 гадоў у адным з універсітэтаў Еўрапейскага саюзу. Сёлета ўдзельнічаць у праграме могуць студэнты БДУ, ГрДУ і БрДУ. Акрамя гэтага невялікая колькасць стыпендый вылучаная для ўсіх выпускнікоў ВНУ Беларусі.

Больш чым у пяць разоў павялічылася колькасьць беларускіх ВНУ, што возьмуць у наступным годзе ўдзел у эўрапейскай праграме студэнцкага абмену Erasmus Mundus. Студэнты, магістранты, асьпіранты і выкладчыкі гэтых унівэрсытэтаў атрымаюць магчымасьць пазмагацца за некалькі дзесяткаў стыпэндый на навучаньне ў ВНУ Эўразьвязу.

Беларусь прапануе ствараць супольныя праграмы студэнцкага абмену з краінамі Эўразійскай эканамічнай супольнасьці, а таксама пашырыць супольныя адукацыйныя праграмы з Расеяй. Клянаваньне вядомай эўрапейскай праграмы Erasmus для постсавецкай прасторы абмяркуюць на наступным тыдні ў Кыргыстане.

Беларусі канчаткова адмоўлена ў яе жаданьні далучыцца да Балоньскага працэсу. Беларускае пытаньне цалкам зьнятае з павесткі дня бліжэйшага саміту міністраў адукацыі Эўрапейскай прасторы вышэйшай адукацыі, які пройдзе на наступным тыдні ў Бухарэсьце. Наступны шанец далучыцца да працэсу наша краіна атрымае толькі ў 2015 годзе.

Фармат удзелу Беларусі ў праектах студэнцкіх абменаў з ЭЗ шмат у чым залежыць ад таго, на якіх прынцыпах будуць у далейшым будавацца адносіны з аб’яднанай Эўропай. Аб гэтым заявіў каардынатар праграмы Tempus ў Беларусі Мікалай Лістапад.

Былы прэзыдэнт Польшчы Аляксандр Квасьнеўскі лічыць, што Эўрапейскі зьвяз павінен весьці актыўную палітыку ў дачыненьні да Беларусі, у тым ліку пашыраць праграмы студэнцкага абмену і магчымасьці для атрыманьня стыпэндый у ЭЗ.

Гарадзенскі купалаўскі ўнівэрсытэт будзе ўдзельнічаць у праграме акадэмічнай мабільнасьці Erasmus Mundus. Студэнты, магістранты, асьпіранты і выкладчыкі атрымаюць магчымасьць пазмагацца за некалькі дзесяткаў стыпэндый на навучаньне ў эўрапейскіх ВНУ. Гэта трэці беларускі ўнівэрсытэт, што далучаецца да самай папулярнай праграмы студэнцкіх абменаў.

Дэбаты ў Эўрапейскім парлямэнце паказалі, што ЭЗ будзе ўзьдзейнічаць на сытуацыю ў Беларусі ня толькі праз санкцыі, але цераз падтрымку грамадзянскай супольнасьці і адукацыйных праграм для маладых беларусаў. У першую чаргу падтрымку атрымаюць ЭГУ, адлічаныя студэнты. Ёсьць таксама ідэя стварэньня адмысловай праграмы абмену для беларусаў.

Калі Ліне было 20 гадоў, яна ўпершыню трапіла ў Грэцыю. Тады дзяўчына толькі што скончыла другі курс інфарматыкі ў Віленскім унівэрсытэце. Пасьля віленскага ўскрайку, дзе знаходзіўся яе ўнівэрсытэцкі інтэрнат, трапіць у самы цэнтар старажытнай Грэцыі — Фэсалонікі, было як мінімум непараўнальным вопытам.

«Я вучылася таньчыць сіртакі [нацыянальны грэцкі танец], узьбіралася на Алімп, а некалькі месяцаў я нелегальна працавала афіцыянткай у кавярні (тады Літва яшчэ не была сябрам Эўразьвязу)», — кажа Ліна і вочы яе быццам напаўняюцца цёплым грэцкім сонцам.