Упершыню ў Беларусі гледачам прапануюцца 42 фотаздымкі, зробленыя Герытам Энгелем падчас яго працы над аднайменным альбомам, які выйшаў у сьвет у Германіі ў 2009 годзе і ўжо другі раз прынёс вялікі посьпех аўтару. Першая слава прыйшла да фатографа пасьля публікацыі яго фотапраекта «Manhattan. New York» у 2006 годзе.

Дзесяткі мастакоў зь Беларусі жывуць па-за межамі нашай краіны. Многія зь іх дасягнулі немалога посьпеху ў замежжы, але адзінкавыя прафэсіяналы знаёмыя зь іх імёнамі на радзіме. Некаторыя з гэтых творцаў не жадаюць, каб іх называлі «беларускімі мастакамі», а нехта трымае бел-чырвона-белыя сьцяжкі на працоўных сталах. Мастацтвазнаўца Ягор Сурскі выбраў восем гісторый мастакоў-эмігрантаў, склаўшы зь іх дакумэнтальнае кіно «Арт-рэпатрыяцыя». Прэм’ера фільму прайшла ў Менску 30 лістапада.

Крызыс — найлепшы час для інвэстыцый у адукацыю. Асабліва, калі тыя інвэстыцыі забясьпечвае самая багатая нацыя Эўразьвязу. Глядзіце другую частку нашага гіду па найвыгоднейшых для беларусаў стыпэндыях на нямецкай зямлі.

Нямеччына па колькасьці замежных студэнтаў займае чацьвёртае месца ў сьвеце і саступае Францыі ды самым папулярным англамоўным краінам: Злучаным Штатам і Вялікабрытаніі. Яно і зразумела, бо ў амаль што ў кожным горадзе, нават самым маленькім, існуе прынамсі адна вышэйшая навучальная ўстанова. Якія ёсьць кароткатэрміновыя стыпэндыі для беларускіх студэнтаў у Германіі — у нашым гідзе з практычнымі парадамі ад тых, хто ўжо там пабываў.

У Бэрлінскай галерэі Morgen Contemporary гэтымі днямі паказваюць выставу фотаздымкаў з сакрэтных архіваў службы дзяржаўнай бясьпекі ГДР «Штазі». Сэрыя, што ілюструе навучаньне агентаў выглядаць так, каб не выклікаць падазрэньняў, надта нагадвае папулярныя цяпер ў падлеткаў пастановачныя партрэты ў стылі «за*бошыць лук». Выстава лукаў агентаў Штазі будзе працаваць да 20 жніўня. Для тых, хто ўжо цяпер кідае касякі у бок будынка зь вялікімі калёнамі ў цэнтры Менску як будучага музэю таталітарызму – самы час зганяць у Бэрлін на «стажыроўку».

У цэнтры ўкраінскай сталіцы каля амбасады Нямеччыны ва Ўкраіне адкрылі манумэнт-фрагмэнт Бэрлінскага муру. Акцыя была прымеркаваная да 20-ай гадавіны яе падзеньня.

Падзеньне Бэрлінскай сьцяны ў 1989 годзе і аб’яднаньне Германіі былі для многіх людзей часам пералому і абуджэньня, які пакінуў свой сьлед у сем’ях. У Савецкім Саюзе таксама пачалася эпоха пераўтварэньняў. Ці не варта азірнуцца праз 20 гадоў на гісторыю ўласнай сям’і? Сямейныя фотаздымкі адлюстроўваюць імгненьні гэтага бурапеннага часу і паказваюць, якім было тады жыцьцё і што з таго часу зьмянілася.

Тысячу гіганцкіх «касьцяшак» даміно выставяць на двухкілямэтровай дыстанцыі, дзе раней праходзіла мяжа паміж Усходнім і Заходнім Бэрлінам, а затым фігуру з даміно парушаць, як і ў звычайнай гульні. Вялікую частку «даміно» размалююць маладыя бэрлінцы ў ключы «мірнай рэвалюцыі».

9 лістапада 1989 году пачалося падзеньне Бэрлінскай сьцяны. Для многіх з нас гэта адна зь першых Топ-навінаў, якая запомнілася ў дзяцінстве. Пазьней адбыўся імклівы распад СССР і Беларусь аднавіла незалежнасьць. Найноўшая гісторыя замільгацела па блакітных экранах старых тэлевізараў зь неверагоднай хуткасьцю. Нам пашчасьціла даросьлець у гэты дзіўны час. Але папярэдняе пакаленьне 28 год жыло ў Эўропе, дзе існавалі дзьве Нямеччыны.

У межах году нямецкай культуры ў Беларусі «Kulturmomente 2007 – Vier Jahreszeiten Deutscher Kultur» у бібліятэцы інстытута імя Гётэ ў Менску ўчора прайшла сустрэча з нямецкім журналістам і пісьменьнікам Фалько Хэнігам. На імпрэзе гучалі расповеды аб літаратурных пляцоўках у Бэрліне і творы аўтара.