Наталля Кавалевіч не бачыць ад нараджэння, але гэта не замінае ёй весці актыўнае сацыяльнае жыццё. Наталля атрымлівае другую вышэйшую адукацыю на дзённым аддзяленні юрыдычнага факультэту БДУ. Дзякуючы сучасным тэхналогіям, дзяўчына захапілася фатаграфіяй, свае фотаздымкі яна чуе праз адмысловую праграму для смартфонаў.

Увечары пятніцы галерэя «Універсітэт культуры», што месціцца ў Палацы Рэспублікі, адкрые праект «Пастулат-2014», прысвечаны крэслу як матэрыяльнаму аб'екту і мастацкаму вобразу ў розных жанрах выяўленчага мастацтва.

Сёння ў галерэі «Ў» адкрылася выстава творчасці чатырох маладых мастакоў з Літвы. Інсталяцыя з вайсковых насілак у колерах літоўскага сцягу ў цэнтры галерэі, вялікія прынты на сценах з выявамі хуткай будучыні і займальны тэтраэдр з праекцыямі 3D mapping. Generation.by прыводзіць прадстаўленне сучасных літоўскіх мастакоў і публікуе фотарэпартаж з адкрыцця выставы. 

Сяргей Ждановіч пераважна займаецца канцэптуальным мастацтвам у жанры чорна-белай фатаграфіі, а таксама працуе ў прасторавай інсталяцыі, мультымедыя, перформансе. У прадстаўленым праекце мастак распрацоўвае тэму фатаграфіі, як «няпэўнага» мастацтва (incertum — няпэўна), разважаючы пра фатаграфічную выяву, а дакладней праяўляе тры асновы яе прадукавання: святло, аўтар, глядач, дзе святло фарміруе вобраз, аўтар фіксуе, а глядач інтэрпрэтуе.

Многія сталічныя аматары сучаснага мастацтва не маглі прайсці міма галерэі «Ў», дзе пятнічным вечарам адбывалася адкрыццё выставы Аляксея Талстова. Дзесяць карцін на тэму грамадскай самарэгуляцыі прадставіў малады мастак, пісьменнік і музыка. Аўтарскі праект «Самакантроль» — своеасаблівая рэакцыя аўтара на сусветныя падзеі і тэндэнцыі.  

«Becoming an artist» — чатыры гісторыі прадстаўнікоў пакалення Y у фота, інсталяцыях і жывапісе, выстаўленыя сёння ў галерэі «Ў».

23 верасня адбудзецца лекцыя сербскай пісьменіцы, мастацкага крытыка Анны Вуянавіч «Перформанс і перфарматыўнасць». Сёння, разважаючы пра сучасныя тэатральныя практыкі, усё часцей гавораць пра іх перфарматыўнасць. Анна Вуянавіч раскажа, што гэта такое а таксама зробіць кароткі гістарычны экскурс у фарміраванне гэтага паняцця.

Лекцыя адбудзецца 23 верасня ў 19:00 у «Цэху» (былое МЕ100, пр. Незалежнасці, 58, к.6, праход праз вул. П.Броўкі, дальні пад'езд, 2 паверх). Уваход вольны. 

Хто такі мастак і як ім зрабіцца? Аб гэтым расказваюць чатыры маладыя мастакі (Яўген Шадко, Алеся Жыткевіч, Анро і Аляксей Дрэва) на новай выставе «BECOMING AN ARTIST. Станаўленне ў чатырох гісторыях». 

Культурнае жыццё не замірае нават на час усеагульных святаў і ў пачатку цыклу пасадкі бульбы. Generation.by наведаў некалькі гарачых менскіх выставаў і зразумеў, што падтрымка маладога пакалення цяпер у трэндзе. Тыя, хто далучыцца да нашага маленькага шляху па менскіх галерэях і музеях, атрымае магчымасць адчуць, куды ідзе і да чаго можа нас усіх прывесці гэта новае пакаленне беларускіх творцаў.

Творчы калектыў «Майстэрня  ўражанняў» запрашае 19 красавіка на сваю інтэрактыўную праграму «Несапраўдны тэатр Пане Каханку». Слухачы пачуюць байкі беларускага Мюнхгаўзена, паспрабуюць сцэнічнае і рэальнае фехтаванне, змогуць вывучыць практыкаванні для паляпшэння дыкцыі, развучыць танцывальныя па, прыняць ўдзел у гульнях і на некаторы час стаць акцёрамі.