З 6 па 13 жніўня ў Будапэшце (Вугоршчына) пройдзе юбілейны, дваццаты, музычны фэстываль Sziget. Яшчэ ў канцы мінулага года арганізатары абвясьцілі імя першага хэдлайнэра. Ім стала легенда «манчэстэрскай хвалі», гурт The Stone Roses, які ў кастрычніку 2011 абвясьціў пра сваё ўзьяднаньне пасьля пятнаццацігадовага перапынку.

Працягваецца падрыхтоўка да штогадовага фэстывалю Sziget, які пройдзе з 10 па 15 жніўня ў венгерскай сталіцы Будапэшце.

Арганізатары адной з галоўных музычных падзей году — фэстывалю Sziget у Будапэшце — абвясьцілі чарговую порцыю зорных імёнаў. Да Pulp, Chemicals Brothers, Skunk Anansie, The National, Gogol Bordello, Judas Priest, Interpol, далучыліся Oi Va Voi, Amy Winehouse, Kasabian, Deftones, Within Temptation, Manic Street Preachers, White Lies, La Roux ды іншыя.

Не пасьпелі мы адыйсьці ад адной з самых галоўных эўрапейскіх музычных падзеяў году — фэстываль Sziget на востраве ў Будапэшце, як арганізатары абвясьцілі пра падрыхтоўку да фэсту 2011 году. Распачала сваю працу Sziget Wishmachine — кожны можна даслаць прапановы сваіх любімых гуртоў у праграму. Нашыя Gods Tower, «Троіца» ды «Ляпіс Трубяцкой» там ужо былі. Хто зь беларусаў варты паехаць у годзе наступным і хто з сусьветных зорак стане хэдлайнэрам самага працяглага музычнага фэсту ў Эўропе?

Час ідзе, а эмоцыі пасьля тыдня жыцьця на востраве фэстывалю Sziget не адпускаюць. Што і каго мы пабачылі на 400-тысячным фэсьце ў Будапэшце — у пяці тэматычных фотарэпартажах Generation.by.

Да мары многіх музычных аматараў, вандроўнікаў ды проста тусоўшчыкаў — аднаго з самых буйных эўрафэстаў Sziget у Будапэшце — сёлета дабралася ня мала й беларусаў. Вылавіць усіх там нерэальна — людзі швэндаюцца, хто дзе, у пошуках прыгодаў ды культурніцкіх адкрыцьцяў. Вядома адно, нас там было некалькі сотняў — прынамсі столькі рук узьнялося ў паветра на выступе «Ляпісаў» у адказ на пытаньне «хто тут зь Беларусі». А гэта кожны тысячны сігетавец! :) Аднак самыя ярыя тусоўшчыкі Сігету разьліву 2010 усё ж траплялі ў нашыя аб’ектывы. Глядзім-пазнаем-пакуем-чамаданы-на-2011!

«Ляпіс Трубяцкой» стаўся трэцім гуртом зь Беларусі, які прабіўся на сцэну аднаго з самых старых і буйных эўрапейскіх фэстаў — Sziget у Будапэшце. Дагэтуль Беларусь прадстаўлялі Gods Tower i Troitsa. «Ляпісам» давялося адчыняць чацьверты дзень амаль тыднёвага музычнага марафону. Падтрымаць землякоў сабраліся пераважна беларусы, а таксама нашы паўднёвыя і ўсходнія суседзі. А Міхалок у запале акрабатычных трукаў вывіхнуў нагу. Фотарэпартаж з выступу беларусаў на галоўнай сцэне Sziget — у чарговым рэпорце Generation.by.

Фэстывальны тыдзень Sziget у Будапэшце працягваецца. Кожны дзень радуе музычнымі адкрыцьцямі ды выступамі зорак. Арганізм перайшоў на іншы лад жыцьця: кладземся спаць а 4-й, пад’ём а 12-й, вушы прызвычаіліся да гучных сцэнаў/бараў з няспыннай музыкай, ды нарэшце пачалі без мапы арыентавацца на востраве. Як мы тут абжыліся, як на галоўнай сцэне запальваў “Ляпіс Трубяцкой” і чым гэта скончылася – у чарговым дзёньніку з аднаго з буйнейшых фэстываляў Эўропы Sziget.

1300 км да Будапэшту пераадоленыя! Беларускія, польскія, славацкія дарогі — на тыдзень засталіся ў мінулым. Мы на востраве, на легендарным фэстывалі Sziget. Яшчэ абжываемся, аднак ужо плянуем вярнуцца сюды зноў і зноў. Суцэльны пазытыў, безьліч рознамоўных людзей вакол, атмасфэра даверу й адрыву. Тут кожны можа дазволіць сабе на час пабыць панкам — і без наступстваў. Нашы першыя ўражаньні — ва ўрыўках словаў і здымках.

Намёты складзеныя, праграма вывучаная, пашпарты-страхоўкі ў кішэні, кідаем апошні позірк на сьпякотны жнівеньскі Менск і рушым у аўтападарожжа на адну з самых галоўных эўрапейскіх музычных падзеяў году — фэстываль Sziget у Будапэшце. Амаль тыдзень (10–15 жніўня) на 15 сцэнах будзе ўсё — ад рэгі да мэталу. Зацэнім Muse, Iron Maiden, Faithless, Papa Roach, Bad Religion, Nina Hagen, Il Nino, Paradise Lost ды яшчэ некалькі сотняў выступоўцаў з усяго сьвету. Аддацца сігетаманіі гатовыя!