Арганізатары музычнага фэстывалю Be2gether, што чацьверты раз пройдзе 25–27 чэрвеня ў літоўскіх Нарвілішках на мяжы зь Беларусьсю, абвясьцілі пра пошук валянтэраў. Беларусы могуць падаваць анкеты да 8 красавіка. Таксама арганізатары назвалі кошт квіткоў на фэст.

У Менску адбылася 14-я цырымонія ўручэньня ўзнагародаў лепшым музыкам па выніках мінулага году «Рок-Каранацыя»-2009. Замест фармальнага і патаснага канцэрту, што было характэрна для мінулых цырымоній, публіка атрымала чатыры гадзіны актуальнай беларускай музыкі, гурты — 15 крыштальных карон, а сама музыка — перароджаную ў абноўленым фармаце прэмію. Атрымалася своеасаблівая спроба ўшанаваньня няіснай залі славы рок-н-ролу ў абпаленым беларускім Мэдзісан-Сквэр-Гардэне.

У клюбе «Рэактар» завершылася 14-я цырымонія ўручэньня ўзнагародаў лепшым музыкам Беларусі па выніках мінулага году ў сфэры альтэрнатыўнай музыкі «Рок-Каранацыя»-2009. 15 крыштальных каронаў знайшлі сваіх уладальнікаў: тры кароны ў «Безь Білета», рок-князёўна — Наста Шпакоўская («Naka»), выканаўца году — Зьміцер Вайцюшкевіч — сьпіс пераможцаў на Generation.bY.

Лета не за гарамі, а гэта значыць, што пачынаецца чарада музычных фэстываляў. Адзін з буйнейшых зь іх, Sziget, адбудзецца ў гэтым годзе ў 18-ы раз. Фэстываль пройдзе з 11 па 16 жніўня на традыцыйным месцы — востраве Абудаі ў Будапэшце.

Арганізатары міжнароднага фэсту «Be2gether» абвесьцілі даты імпрэзы — 25–27 чэрвеня. Месца правядзеньня застаецца нязьменным — на землях замку Нарвілішкі, што ў 100 мэтрах ад беларуска-літоўскай мяжы.

Чарговая цырымонія ўручэньня узнагародаў лепшым музыкам Беларусі па выніках мінулага года ў сфэры альтэрнатыўнай музыкі «РОК-КАРАНАЦЫЯ»-2009.

Адзін з самых уплывовых open-air у СНД, фэстываль «Джаз Кактэбель» запрашае самую правільную, самую шчырую, самую новую музыку. З 20 лютага абвешчаны прыём заявак ад музыкаў і камандаў, якія хочуць пасябраваць з фэстам.

У пошуках адзінадумцаў і добрай музыкі «Джаз Кактэбель» рушыць у падарожжа. З траўня па чэрвень па меры атрыманьня заявак будуць ладзіцца паці-шоўкейсы ў розных гарадах СНД.

27 лютага ў Дзяржаўным літаратурным музэі Янкі Купалы пачнецца першы этап конкурсу аўтарскай песьні «Купалаўскія вакацыі». Да ўдзелу запрашаюцца выканаўцы аўтарскай  песьні, па выніку фэсту будуць абраныя і ўзнагароджаныя пераможцы ў чатырох намінацыях.

Трэці фэстываль актуальнай беларускай музыкі «Можна!» дабраўся да Менску — дагэтуль фэст з посьпехам двойчы праходзіў у Маскве. У ноч з 22 на 23 студзеня «Рэактар» ледзь умясьціў усіх жадаючых паглядзець на «Можна!» у Беларусі.

Чатырнаццатая цырымонія ўзнагароджаньня найлепшых музыкаў Беларусі «Рок-Каранацыя» пройдзе 4 сакавіка ў менскім клюбе «Рэактар». Арганізатары вядуць перамовы з музыкамі-ўдзельнікамі, а журы прыступіла да працы па вызначэньні пераможцаў у традыцыйных намінацыях цырымоніі.