Не аднымі «Канскімі львамі» жыве рэклямная індустрыя. Ёсьць у ёй і конкурсы, арганізаваныя адмыслова для студэнтаў, якія жадаюць праявіць свае крэатыўныя здольнасьці і за адным махам зрабіць так, каб іх працы заўважылі ў рэклямным бізнэсе. Мы публікуем інфу пра некалькі даступных беларусам крэатыўных спаборніцтваў.

Краіна 246 гатункаў сыру рызыкуе пазбавіцца гэтага найменьня з-за сумнага стану сырнай прамысловасьці Францыі. «Глябалісцкія» гатункі ўсё хутчэй за традыцыйныя знаходзяць шлях у страўнік французаў. У такой сытуацыі зьвяз сыраробаў краіны пайшоў па шляху беларускіх пісьменьнікаў і выпусьціў каляндар з аголенымі прадстаўнікамі галіны для прыцягненьня ўвагі грамадзкасьці да «сырнай» праблемы.

Рэклямная кампанія па барацьбе з паленьнем, у межах якой зьявіліся плякаты з выявамі цінэйджэраў у позе сымуляцыі аральнага сэксу, стала нагодай для шматлікіх спрэчак. Крытыкі кажуць, што плякаты ствараюць фальшывыя аналёгіі паміж сэксам і паленьнем.

Карпарацыя Ford спадзяецца прадаваць сваю новую мадэль Fiesta ў ЗША з дапамогаю блогаў, Twitter і Facebook. Ствараць кантэнт у сацыяльных сетках будуць не рэклямісты, а звычайныя людзі, якія былі адабраныя для ўдзелу ў кампаніі пад назовам «Fiesta Movement».

У Менску прайшла цырымонія закрыцьця першага фэстывалю рэклямы «Белы квадрат». У рамках фэсту, які на працягу трох дзён праходзіў у Нацыянальнай бібліятэцы, удзельнікі знаёміліся з працамі рэклямшчыкаў зь дзесятку краінаў сьвету, а таксама змагаліся за права лічыцца найбольш крэатыўнымі ў 63 намінацыях 12 рэклямных конкурсаў, што праходзілі ў межах фэсту.

У Менску праходзіць фэстываль рэклямы «Белы квадрат». Арганізатарам ужо ўдалося сабраць 750 конкурсных прац у 63 намінацыях, а заадно і «рэанімаваць рэклямны рух» Беларусі.

Яркія вітрыны з пакункамі цыгарэтаў на касах крамаў у Вялікабрытаніі цяпер стануць аднатоннымі і малапрыцягальнымі. Міністэрства аховы здароўя Вялікабрытаніі прапануе ўвесьці забарону на любыя адрозныя знакі на цыгарэтным пакунку ў мэтах барацьбы з паленьнем. Па плянах, цыгарэтныя пакункі ня будуць розьніцца ні колерам, ні графікай, ні фірмовым напісаньнем ці лягатыпам.

Усе гэтыя сьвяты — такі ўдар па маладым арганізьме. Колькі людзей пасьля бурнага сьвяткаваньня, пасьля ўсяго зьедзенага і выпітага, даюць сабе самае чэснае слова пачаць весьці здаровы лад жыцьця. Але пачынаюцца працоўныя будні - а зь імі і харчаваньне прыхабкам. Брытанскі ўрад вырашыў ратаваць маладое пакаленьне ад згубнага ладу жыцьця. У барацьбе з затлусьценьнем была забароненая рэкляма шкоднай ежы и напояў падчас дзіцячых тэлепраграм.

Напярэдадні Каляд і Новага году польскія гіпермаркеты сусьветна вядомай сеткі TESCO упершыню распачалі рэклямную акцыю на беларускай мове.

Людзі Y ведаюць, чаго хочуць, а калі ня ведаюць, то шукаюць і спрабуюць. І замест пакрытага сівым пылам алоўка абіраюць кампутаровую мышку, а замест старога мальбэрта – манітор. Такі выбар, прынамсі, робіць Palasatka. Як дакладна завецца тое, чым яна займаецца, сказаць цяжка. Лепей акрэсьліць сфэры: дызайн, фота, рэкляма, журналістыка. Але дзякуючы Palasat’цы, пісьменьнік Уладзімер Арлоў мае сваю прастору ў Сусьветным павуціньні, а наша сталіца – «сумесь постмадэрнізму, ампіру і трэш-культуры».