Учора былі падведзеныя вынікі конкурсу «Экслібрыс» імя Янкі Маўра. На планшэт і выданне кнігі (менавіта такія прызы чакаюць пераможцу) прэтэндавалі 117 літаратараў. Падавалі і праекты кніг, пераклады і нават коміксы. 

Пачуўшы назоў літаратурнага фэста «Шэнгенка», некаторыя маглі падумаць, што там раздаюць бясплатныя шэнгенскія візы. Аднак на фэсце раздавалі бясплатныя веды па сучаснай літаратуры некаторых краін Шэнгенскай зоны. Цікава, што назву для мерапрыемства прыдумаў пісьменнік Павел Касцюкевіч, перад якім праблемы атрымаць шэнгенскую візу не стаіць, бо ён мае ізраільскае грамадзянства.

Увесь літаратурны бамонд Беларусі сабраўся сёння ўвечары ў канферэнц-залі аднаго з самых прэстыжных гатэляў Менску. Пад бліскавіцы фотакамер і воплескі прысутных журы Літаратурнай прэміі імя Ежы Гедройца абвясціла аўтараў лепшых беларускамоўных кніг 2012 году. Сярод фіналістаў — былы кандыдат у прэзідэнты, мастак і прафесійны пісьменнік, што жыве ў Нямеччыне. 

У шорт-ліст адной з самых прэстыжных літаратурных прэмій Беларусі трапіў былы кандыдат у прэзідэнты Ўладзімір Някляеў з кнігай пра студэнцкія гады «Аўтамат з газіроўкай і без». Таксама ў спісе апынулася культурны аглядальнік дзяржаўнай газеты «СБ» Людміла Рублеўская з кнігай «Авантуры Пранціша Вырвіча, шкаляра і шпега», яна яшчэ і першая жанчына-празаік, якая патрапіла ў шорт-ліст прэміі Ежы Гедройца. Сярод кніг, якія могуць атрымаць магчымасць быць выдадзенымі ў Польшчы, таксама кніга гомельскага гісторыка пра дэсантніка Скарыну, беларускую птушку Фенікс ды іншыя гістарычныя нарысы Беларусі. 

На гэтых выходных кнігарня «Ў» адсвяткавала свой трэці Дзень народзінаў пяцігадзінным літаратурным нон-стопам.

Журы літаратурнай прэміі «Дэбют», якая была заснаваная ў 2010 годзе, склала шорт-ліст намінантаў. У яго ўвайшлі 9 маладаых літаратараў ва ўзросце да 35 гадоў, што выдалі летась сваю першую кнігу. Сярод магчымых пераможцаў у намінацыі «Паэзія» 28-гадовы паэт Андрэй Адамовіч з кнігай вершаў «Дзень паэзіі смерці дзень», які актыўна выкарыстоўвае ў сваёй творчасці абразлівыя ды нецэнзурныя словы. Трапіла ў шорт-ліст і скандальная кніга пра аднаполае каханне журналісткі Насты Манцэвіч «Птушкі». У намінацыі «Проза» прафесійная варажбітка Юлія Шарова з кнігай «Don Giovanni, або Памілаваны свавольнік», Ксенія Шталянкова з гістарычна-прыгодніцкім раманам «Адваротны бок люстра» ды Андрэй Пакроўскі, які расчараваўся ў Дзедзе Марозе, у выніку чаго трапіў яшчэ і ў лонг-ліст прэміі Гедройца.

Год таму была заснавана адна з самых важных літаратурных прэмій — Літаратурная прэмія імя польскага журналіста і публіцыста Ежы Гедройца. Сёлета яна будзе прысуджацца за лепшую выдадзеную кнігу ў 2012 годзе на беларускай мове ў жанрах «мастацкая проза», «эсэістыка». 

Прэмія будзе ўрачана аўтару ва ўзросце да 35 гадоў за найлепшую дэбютную кнігу, выдадзеную ў 2012 годзе у намінацыях: «Паэзія», «Проза», «Мастацкі пераклад». 

З 1 студзеня 2013 году прымаюцца творы дзяцячай тэматыкі на ўдзел у конкурсе маладых пісьменнікаў «Экслібрыс». Гэтым разам конкурс прысвечаны дзіцячаму пісьменніку Янку Маўру. Узяць удзел у конкурсе маюць права літаратары не старэйшыя за 40 гадоў. 

Юлія Шарова прэзентавала ў Менску сваю дэбютную кнігу «Don Giovanni, або Памілаваны свавольнік», якую пісала 10 гадоў. Раман на ажно 600 старонак (што вялікая рэдкасць для сучаснай беларускай літаратуры, тым больш для маладых пісьменнікаў) распавядае пра вобраз вядомага курвеля Дон Жуана, які стаўся героям шматлікіх музычных і літаратурных твораў па ўсім свеце.