Чарговая порцыя «юбілейнай» музыкі, на гэты раз ад магічна-касьмічнага этна-трыо «Троіца», была выдадзеная ў КЗ «Мінск» на выходных з нагоды дзесяцігодзьдзя гурта. Каця Кузіна, наш чалавек на канцэрце, заўважыла, што песьні «Троіцы» маюць тэндэнцыю да ўзьяднаньня, а навязьлівым слухачам музыкі прапаноўваюць наведаць рэстарацыю.

У Нарвілішках, што на літоўска-беларускай мяжы, працягваецца фэстываль Be2gether. Оўпэн-эйр, які праходзіць трэці раз запар, у гэтым годзе ўжо паставіў рэкорд па зборах: калі не наведвальнікаў, то вады дакладна. Моцны дождж ліў увесь першы дзень трохдзённага фэсту, што значна папсавала настрой гледачам і пасунула пляны арганізатараў.

Да менскай прэзэнтацыі ўжо нашумелага «Маніфэсту» Ляпісы пасьпелі аб’езьдзіць з альбомам Расею, пакуль беларускія прыхільнікі на памяць вучылі ўсе песьні. Палац спорту не разваліўся, хоць і хадзіў хадуном ад накалу жарсьцяў на сцэне і ў залі, у якой сабралося 9000 чалавек. Міхалок ужо традыцыйна «астрыў» вершаванкамі, а ашалелыя прыхільнікі ледзь ня зьнесьлі агароджу пад сцэнай. Рэпартаж і вялікі фотаблог з канцэрту — на Generation.bY.

Гурт «Ляпіс Трубяцкой» вярнуўся ў Менск з чарговай перамогай. У Маскве на выходных адбылася цырымонія ўручэньня расейскіх рок-узнагарод «Чартова дюжина», дзе «Ляпісы» перамаглі з кліпам «Капітал» у намінацыі «Відэа года».­

Днямі на сайце Крамбамбулі запрацавала сьвяточная пошта. За першыя дні сайт наведала некалькі тысячаў чалавек. Стыльныя паштоўкі зь вясёлай крамбамбульнай песенькай - цудоўны спосаб нагадаць пра сябе з нагоды і без.

Днямі «здаровыя лосі» атрымалі ўжо гатовы кліп на гіт «Сьвятло ў цемры». Generation.by пашэнціла пабачыць яго крыху раней за астатніх – таму дзелімся ўражаньнямі.