«У міліцыю, у тым ліку на сайт ГУУС, паступіла нямала пытаньняў аб адказнасьці ў выпадку, калі, напрыклад, бутэлька піва знаходзіцца ў пакеце. Ці маюць права супрацоўнікі міліцыі зазірнуць у пакет і прыняць нейкія меры?» — адзначаюць у РУУС.

З наступнага году ўкраінскія студэнты здолеюць самастойна выбіраць чвэрць усіх дысцыплін, якія яны вывучаюць. Таксама ў ВНУ гэтай краіны зьявіцца дзяржіспыт па тэхнічнай украінскай мове.

Прапанова дэпутата Здановіча скасаваць адтэрміноўку ад прызыву для студэнтаў-платнікаў не знайшла падтрымкі ў Міністэрстве Адукацыі і Адміністрацыі прэзыдэнта і ня ўвойдзе ў лік паправак у закон «Аб воінскім абавязку і воінскай службе». Чыноўнікі абяцаюць, што скасаваньне адтэрміноўкі для завочнікаў не закране ўсіх студэнтаў завочнай формы навучаньня. У войска возьмуць толькі столькі студэнтаў, каб даўкамплектаваць структуры да неабходнай колькасьці.

Іван Міхайлаў, вернік габрэйска-мэсіянскай суполкі «Новы запавет», пакараны трыма месяцамі турмы за адмову служыць у войску. Міхайлаў тлумачыць ухіленьне сваім веравызнаньнем і патрабуе даць яму магчымасьць праходзіць альтэрнатыўную службу.

Кабэльныя тэлеканалы Вэнэсуэлы абвінавачваюцца ў парушэньні новых правілаў вяшчаньня, якія абавязваюць трансьляваць выступы прэзыдэнта. Правайдэры пад ціскам уладаў зачынілі шэраг тэлеканалаў, якія не трансьлявалі суботні выступ Чавэса на мітынгу.

Пры першым парушэньні новай забароны штраф складзе да 280 тысяч, пры паўторным давядзецца заплаціць да 525 тысяч рублёў.

Кіраўнік Пастаяннай камісіі па адукацыі, культуры, навуцы і навукова-тэхнічным прагрэсе Палаты прадстаўнікоў Нацыянальнага сходу Беларусі Ўладзімір Здановіч прапануе скасаваць адтэрміноўку ад прызыву для студэнтаў-платнікаў.

Студэнтам, якія ўжо вучацца на «ваенках», дадуць магчымасьць давучыцца. Урад краіны тлумачыць сваё рашэньне нізкай колькасьцю выпускнікоў ВНУ, якія пасьля вайсковых катэдраў ідуць у войска. Болей таго, не жадаючыя ісьці ў войска могуць фактычна адкупіцца ад яго, заплаціўшы міністэрству абароны каля 300 даляраў.

Ужываньне піва і слабаалькагольных напояў у Беларусі ў грамадзкіх месцах хутка будзе забароненае. Памер штрафаў за піва будзе такім жа самым, які цяпер існуе за ўжываньне гарэлкі і іншых моцных напояў.

У Беларусі плянуецца адмяніць адтэрміноўку ад прызыву ў армію для завочнікаў. Адпаведны закон у першым чытаньні прыняла сёньня Палата прадстаўнікоў.