23 сакавіка ад анкалагічнай хваробы пайшла з жыцця Ганна Вольская – прадусарка, жонка Лявона Вольскага. 

Музычна-візуальны праект «Такога няма нідзе», у межах якога вядомыя беларускія музыкі і акторы выканалі кампазыцыі, напісаныя Лявонам Вольскім у стылістыцы 60-х, рыхтаваўся больш за год і нядаўна нарэшце пабачыў сьвет у выглядзе цэлага пакету з двух дыскаў і мінігісторыі аб вандроўках па Парыжу і Лос-Анджэлесу тых часоў. На камэрнай вечарыне, прысьвечанай яго прэзэнтацыі, музыкі выканалі некалькі ўласных кампазыцый, а канчатковае паглыбленьне ў «кіслотнае дзесяцігодзьдзе» адклалі да вясны.

«Аднойчы ў Барахляндыі» — пад такой назвай хаваецца новы аўтарскі праект Лявона Вольскага. Здымачная група два тыдні працавала ў начныя зьмены, а галоўныя ролі сыгралі і сьпелі Ганна Хітрык, Сьвятлана Зелянскоўская і Алег Гарбуз. Зараз пад кіраўніцтвам рэжысэра Мацея Сабурава ва ўсю моц ідзе мантаж і зьвядзеньне трэкаў. А што адбывалася на здымачнай пляцоўцы новага праекту – у эксклюзіўным фотарэпартажы Generation.bY.

Асаблівасьць Дня Сьвятога Валянціна ў тым, што хочаш ня хочаш, а праігнараваць яго не атрымаецца. І штогод прыходзіцца прыдумляць штосьці новае ды рамантычнае. Каб не ламаць галаву, прыходзьце 14 лютага на «Рамантычны канцэрт» Крамбамбулі — там сьвяточны настрой будуць выдаваць вялікімі порцыямі з дабаўкай і падліўкай.

2007-мы быў багатым на падзеі для прадусаркі Ганны Вольскай. Новы альбом Крамбамбулі, больш чым удалы выступ гурта на Басовішчы, канцэрты і карпаратывы — і ўсё з добрым настроем і ўсьмешкай. А да калядных сьвятаў Ганна зьдзейсьніла яшчэ адну задумку — «Сьнежны завулак 8». Шмат хто цікавіцца, як гэта ў Лявона атрымалася знайсьці такую жонку, якой удаецца сумяшчаць працу, сям’ю і адпачынак, прыгажосьць і ўнутранае багацьце, дзіцячую радасьць жыцьцю і дарослы падыход да бізнэсу, філязофскае стаўленьне да рэчаіснасьці і ўпэўненасьць у тым, што ўсё будзе добра.­­

­­

Самы час прыдумваць віншаванкі і тосты да новага году. А для натхненьня — відэаролік з Ганнай і Лявонам Вольскімі ў вобразах Сьцяпанаўны і Маргарыты Сьцяпанаўны з каляднага праекту «Сьнежны завулак 8».

­

За тры месяцы плённай працы падрыхтаваны ўнікальны праект — першы беларускі «аганёк» з удзелам рэдкіх гасьцей тэлеэкранаў: N.R.M., IQ48, Neuro Dubel, Indiga, Крамбамбулі, Джамбібума, Палацу, Крамы, Зьмітра Вайцюшкевіча і Віктара Шалкевіча. «Сьнежны завулак 8 альбо Незвычайная сустрэча пад Новы год» — гэта сьвяточная атмасфэра, цудоўная музыка, трапныя жа­рты і віншаваньні вядомых людзей. У навагоднюю ноч паглядзець шоў можна будзе на канале Belsat.

Навагодняя прыкмета: прыйдзеш на «Зімовы канцэрт» Крамбамбулі і будзе твая «віта» у новым годзе вельмі «дольчэ». Каралі карпаратываў выцягнуць з навагодніх мяхоў усё, што не раздалі падчас папярэдніх сьвятаў. «Крамбамбуля Сьвяточная» плюс новая кампазыцыя «Дольчэ Віта» — даеш культуру ў масы.

«Ой, гэта ж так даўна было, трэба пашукаць фота ў бацькоў», — самы папулярны адказ на першы зварот Generation.by да вядомых людзей Беларусі, якія праходзяць у праекце пад брыфам «КУЛЬТурныя людзі». Усе некалі ды былі студэнтамі, здавалі курсавыя, адрываліся ды адпачывалі. Калі як не ў Дзень Студэнта сабраць разам рарытэтныя фота студэнцкага часу вядомых зараз людзей? З такой сьветлай ідэяй выправіліся мы на пошукі.

Лявон Вольскі, Алег Хаменка, Сяргей Міхалок, Аляксандар Кульлінковіч, Ганна Вольская, Ігар Варашкевіч, Піт Паўлаў, Міхал Анемпадыстаў, Адам Глёбус, Кася Камоцкая, Зьміцер Падбярэскі, Саша Ракавец, Віталь Артыст, Каця Пытлева — усім ставім «выдатна»! ;)

Больш таго, напрыканцы фотаальбома чытачоў чакае асобны фотасюрпрыз.

­

Ліпень-жнівень – час зацішша ў культурніцкім жыцьці Беларусі. Музыкі і людзі мастацтва параз’ехаліся хто адпачываць, а хто працаваць. У нас закрыцьцё сэзону, а ў Эўропе віруюць шматлікія фэсты і оўпэн-эйры. Дзе і як зьбіраюцца бавіць час шматлікія героі глянцавых старонак Generation.by – непасрэдна зь іх словаў.