Першы сапраўды вялікі міжнародны велафестываль у Беларусі прайшоў мінулымі выходнымі ў Берасці. Горад праз пяць год плануе адзначаць 1000 год існавання і сёлета мясцовая адміністрацыя ўжо пачала пашыраць размах свята, запрасіўшы да сябе вялікі натоўп раварыстаў з розных краінаў.

«Тузін.Немаўля» — музычны праект інтэрнэт-парталу Tuzin.fm. Сэнс яго палягае ў тым, што сучасныя беларускія выканаўцы ствараюць свой саўндтрэк да першых беларускіх нямых фільмаў і прадстаўляюць яго ўжывую на сцэне ў фармаце кінаканцэрта. Адзін з такіх канцэртаў меўся адбыцца 15 снежня ў Берасці. Планавалася паказаць фільм рэжысёра Ўладзіміра Корша-Сабліна «У агні народжаная» у жывым суправаджэнні гурта Re1ikt. Імпрэза праекта «Тузін.Немаўля» была ўзгаднена з начальнікам культуры Берасцейскага гарвыканкаму Сяргеем Панасюком. 

Сёння міліцыя Берасця заявіла аб існаванні «групы маладых людзей у 170 чалавек, якія ладзяць „амерыканскія вечарыны“». Паводле міліцыі, вечарыны «ўяўляюць сабой збор моладзі ў арэндаваным памяшканні, дзе праводзіцца „тэматычная вечарына“, ці, па-простаму, дыскатэка».

Зміцер Назараў з Берасця кінуў некалі вучобу ў Ваеннай акадэміі, каб стаць паспяховым прадзюсарам беларускамоўных гуртоў і арганізатарам альтэрнатыўных канцэртаў. Зміцер сёння ў серыі размоваў «Кім я стану, калі вырасту» распавядае пра тое, як паступіць у Ваенную акадэмію РБ ў рваных джынсах з нашыўкай «Пагоня», што трэба зрабіць, каб цябе ўзгадалі не толькі сваякі, і пра тое, як патусавацца, павучыцца, але потым стаць кімсьці.

Ад жывапісу да кампутаровай графікі і аўтарскіх лялек — у Берасьці прайшла выстава маладых мастакоў Берасьцейшчыны «Усе разам». Дагэтуль маладым і крэатыўным шанцавала прэзэнтаваць некалькі сваіх прац на агульных выставах ці ў сваім ўнівэрсытэце. Цяпер жа 20 маладых аўтараў з розных рэгіёнаў вобласьці паказалі сябе ў залі абласнога грамадзка-культурнага цэнтру.

Каля тысячы подпісаў сабралі берасьцейскія студэнты пад зваротам да мясцовых уладаў з патрабаваньнем кампэнсаваць здымнае жыльлё тым, каму не хапіла месца ў інтэрнатах.

Хутка на берасьцейскіх вуліцах зьявяцца студэнцкія патрулі групы «Алмаз», што створаная ў Берасьцейскім дзяржаўным тэхнічным унівэрсытэце ў межах мясцовай арганізацыі БРСМ. Студэнты выйдуць на патруляваньне бяз зброі, але зь імі вядуцца заняткі па стралковай падрыхтоўцы.

Берасьцейскі губэрнатар Канстанцін Сумар выступіў з жорсткай крытыкай увядзеньня ў сталіцы бясплатнага праезду для студэнтаў. Па ягоных словах, падобным рашэньнем улады «ўбілі клін» між рэгіёнамі.

У рэгіёнах пакуль нават ня думаюць аб тым, каб адмяніць студэнтам плату за праезд. Тым часам стала вядома, што на тое, каб студэнты маглі езьдзіць бясплатна, Менск патраціць 150 мільярдаў рублёў — у два разы болей, чым сышло па падтрымку ўсёй сярэдняй адукацыі Беларусі ў 2011 годзе.

Актывісты кампаніі «За вела-Берасьце!» за некалькі тыдняў здолелі сабраць паўтары тысячы подпісаў пад зваротам да мясцовых уладаў з патрабаваньнем спрасьціць перасоўваньне па горадзе на ровары. Раварысты прапануюць прыбраць бардзюры з асноўных веламаршрутаў, дазволіць перасякаць польскую мяжу на ровары, а таксама ўсталяваць роварныя паркоўкі ля грамадзка значных месцаў.