Беларускі рэспубліканскі саюз моладзі працягвае нарошчваць атрады сваіх «байцоў». У моладзевыя атрады аховы правапарадку ўжо запісалі каля 10 тысячаў школьнікаў і студэнтаў. Маладыя людзі праводзяць затрыманні, патрулююць універсітэты і інтэрнаты, а таксама масавыя зборы людзей.

Новы сэзон дзейнасьці моладзевых атрадаў аховы правапарадку (МААП) БРСМ распачаўся 10 красавіка. Іх удзельнікаў у самім БРСМ часта называюць «байцамі» і падкрэсьліваюць, што моладзь патрулюе вуліцы і шукае правапарушальнікаў і алькаголікаў па поклічу сэрца.

Удзельнікаў моладзевых атрадаў аховы правапарадку у БРСМ часта называюць «байцамі» і падкрэсьліваюць, што тыя працуюць бясплатна з мэтай прафіляктыкі.

Хутка на берасьцейскіх вуліцах зьявяцца студэнцкія патрулі групы «Алмаз», што створаная ў Берасьцейскім дзяржаўным тэхнічным унівэрсытэце ў межах мясцовай арганізацыі БРСМ. Студэнты выйдуць на патруляваньне бяз зброі, але зь імі вядуцца заняткі па стралковай падрыхтоўцы.

Беларускі спэцназ заняўся правядзеньнем майстарклясаў для «байцоў» атрадаў БРСМ, якія разам зь міліцыяй патрулююць вуліцы і рэгулююць рух. У межах агульнабеларускага збору БРСМаўцаў «Акадэмія мужнасьці», якая прайшла ў адной з вайсковых частак у Менску, «байцам» паказалі, як правільна затрымліваць людзей і працаваць з выбуховымі рэчывамі.