3-га сьнежня ў межах сэрыі канцэртаў праекту «ЖывыГукON-line» упершыню ў Беларусі адбудзецца выступ легендарнага польскага гурта Myslovitz. Нягледзячы на блізасьць Беларусі і Польшчы, мы даволі мала знаёмыя з музыкай суседняй краіны. Запрашаючы гурт Myslovitz, ідэйны кіраўнік праекту «ЖывыГукON-line» і вядомы беларускі музыка Піт Паўлаў жадае паказаць актуальную і папулярную польскую музыку, якая нічым ня горшая за расійскую ці ўкраінскую, якую даволі часта можна пачуць на канцэртах у Беларусі.

Калі знаёмыя пытаюць, дзе б узяць паслухаць малады гурт Clover Club, трызьняць пра рыжую харызматычную вакалістку зь імём Патрык, узахлёб распавядаюць пра новае гучаньне IQ48 і вострасацыяльныя тэксты песень з будучага альбому музыкаў — значыць, яны былі на «ЖывыГукON-line». А яшчэ чулі, бачылі і, магчыма, танчылі пад «Глебсьцераў», «Мутнаевока», «Гарадзкіх» ды віншавалі Піта з Днём народзінаў. Як там было — у нашым вялікім фотарэпартажы.

7 лістапада ў менскім клюбе «Рэактар» адбудзецца чарговы канцэрт у межах музычнага праекту «ЖывыГукON-line».

Пасьля ўдалага першага канцэрту вясновай сэрыі праекту «Жывы гук ON-line», які прайшоў у красавіку ў менскім Палацы Мастацтва, праект працягне радаваць музыкаў і аматараў музыкі незвычайнымі падзеямі. Наступны канцэрт адбудзецца 23 траўня ў аўтасэрвісе «Піт-Стоп».

У менскім Палацы Мастацтва ў межах арт-фэстывалю «Fun House» 2 красавіка прайшоў першы канцэрт вясновай сэрыі праекту «Жывы гук ON-line». Свае праграмы прадставілі гурты «Глебстеры», Re1ikt, The Blackmail і «Мутнаевока». Фотарэпартаж з падзеі — на Generation.bY.

Вызначаны спіс гуртоў-удзельнікаў першага канцэрту вясновай сэрыі праекту «Жывы гук ON-line», які адбудзецца 2 красавіка ў менскім Палацы Мастацтва ў межах арт-фэстывалю «Fun House».

Першы канцэрт сэрыі адбудзецца 2 красавіка ў самым цэнтры Менску, у Палацы Мастацтва, у межах арт-фэстывалю «Fun House». Леташнія канцэрты праекту «Жывы гук ON-line» стварылі новую мадэль існаваньня альтэрнатыўнае сцэны ў нашым горадзе і сталі ў шэраг найбольш адметных імпрэзаў году.

27 чэрвеня ў нядаўна адчыненым «Дворыку ЦДА» (калі абыйсьці Дам афіцэраў справа і падняцца па крутой высокай лесьвіцы) пройдзе першы канцэрт «Жывы Гук ON-line» у новым фармаце і з бясплатным уваходам.