Віталь Маціеўскі, саліст гурта Open Space і па сумяшчальніцтве беларускі амбасадар беларускай моладзевай сеткі Y-peer быў прызнаны лепшым «валянцёрам чэрвеня» сярод 40 краін міжнароднай сеткі Y-peer.

Гурт Open Space выпусьціў сынгл «Do You Remember», запісаны ў рамках супрацоўніцтва з фондам ААН у галіне народанасельніцтва (ЮНФПА) і сеткай Y-Peer. Загалоўная песьня рэлізу прадстаўлена на трох мовах — ангельскай, беларускай і расейскай.

Гурт Open Space выпусьціў новы альбом «Pressure». Канцэртная прэзэнтацыя дыска адбудзецца 22 сакавіка ў клюбе «Re:Public» у рамках праекта «Старт». Уваход вольны.

1 сьнежня беларускі інды-гурт Open Space выпусьціў новы міні-альбом пад назвай «Let It Go», які папярэднічае заплянаванаму на вясну наступнага года паўнафарматнаму альбому. Новы EP стане ўжо 4 дыскам у скарбонцы гурта. Міні-альбом уключае ў сябе чатыры песьні, якія распавядаюць аб тым, што «адбылося» з Open Space з часу апошняга альбома «Deal With Silence».

Чацьверты фэстываль музыкі і мастацтваў Be2gether адгрымеў традыцыйна ля замку Нарвілішкес і сабраў болей паўсотні артыстаў з усяго сьвету. Пакуль у Менску ішлі дажджы, надвор’е каля беларускай мяжы ў Літве радавала сьпёкай, ад чаго самай папулярнай вопраткай сталі купальнікі і каляровыя гумовыя боты. Тры дні музыкі, гульняў, прыгодаў ды размоваў з музыкамі беларускімі і замежнымі ў дзёньніку з фэстывалю.

У Менску адбылася 14-я цырымонія ўручэньня ўзнагародаў лепшым музыкам па выніках мінулага году «Рок-Каранацыя»-2009. Замест фармальнага і патаснага канцэрту, што было характэрна для мінулых цырымоній, публіка атрымала чатыры гадзіны актуальнай беларускай музыкі, гурты — 15 крыштальных карон, а сама музыка — перароджаную ў абноўленым фармаце прэмію. Атрымалася своеасаблівая спроба ўшанаваньня няіснай залі славы рок-н-ролу ў абпаленым беларускім Мэдзісан-Сквэр-Гардэне.

У клюбе «Рэактар» завершылася 14-я цырымонія ўручэньня ўзнагародаў лепшым музыкам Беларусі па выніках мінулага году ў сфэры альтэрнатыўнай музыкі «Рок-Каранацыя»-2009. 15 крыштальных каронаў знайшлі сваіх уладальнікаў: тры кароны ў «Безь Білета», рок-князёўна — Наста Шпакоўская («Naka»), выканаўца году — Зьміцер Вайцюшкевіч — сьпіс пераможцаў на Generation.bY.

У Сеціве зьявілася live video гурта Open Space на песьню Stalemate. Запіс зроблены ў час выступа гурта на жнівеньскім фэстывалі фэервэркаў «Навальніца» і разам зь іншымі новымі песьнямі ўвойдзе ў чарговы альбом Open Space.

Міжнародны беларуска-швэдзкі музычны праект Bandscan:Belarus падыходзіць да свайго завяршэньня. У Менску, Віцебску і Баранавічах ужо прайшлі паўфіналы, і наперадзе толькі фінальная разьвязка. З 36-ці гуртоў у пачатку праекта ў фінал трапілі 6 лепшых, абраных паводле глядацкага галасаваньня: «Серебряная свадьба», The toobes, «Воронин Бэнд», RU.ST, Jenowa і Minas Morgul.

Асаблівасьці конкурсу, нечаканая адмова ад удзелу ў фінале «Серебряной свадьбы» — падрабязнасьці правядзеньня 7 сьнежня менскага паўфіналу чытайце ў рэпартажы.

29 лістапада ў 19:00 у клюбе «Bronx» адбудзецца доўгачаканы канцэрт гурта «Open Space». Для шырокай менскай публікі музыкі не выступалі амаль 7 месяцаў, але шматлікія дагэтуль узгадваюць гучны дэбют «Open Space» у красавіку. Тады на іх канцэрт пасьпела патрапіць толькі 800 чалавек, і яшчэ столькі ж жадаючых выбудавалася ў чаргу ля ўваходу ў клюб.