«Навальнічныя» музыка і фэервэркі ў Лагойску
Тысячы людзей сабраў Горналыжны курорт «Лагойск» у апошнія выходныя лета. У небе вырасталі кветкі і вымалёўваліся лічбы. Спаборнічалі ў піратэхнічным майстэрстве каманды зь Нямеччыны, Францыі, Латвіі і Славакіі. Пераможцамі «фэерычнага» спаборніцтва стала літоўская каманда піратэхнікаў «Blikas». Падрабязнасьці правядзеньня беспрэцэдэнтнага для Беларусі адборачнага тура чэмпіянату Эўропы — у рэпартажы Generation.bY.
У кожны з трох «навальнічных» вечароў дзьве піратэхнічныя каманды дэманстравалі сваё майстэрства. Фармат мерапрыемства — музыка і фэервэркі. Хэдлайнэрам фэстывалю 28 жніўня выступіў «J:морс», 29 жніўня — «Ляпіс Трубяцкой», а ў заключны дзень конкурсу — гурт «Палац».
Сюрпрызам стаў удзел у праграме гуртоў «Нэйра Дзюбель», «Немо» і Drum Ecstasy. Праграма імпрэзы спалучала выступы гуртоў, конкурсы, забавы для дзяцей.
Пасьля паказу апошніх фэервэркаў нешматлікіх аматараў начной паці да самай раніцы забаўлялі
Такая маштабная падзея не абыйшлася без арганізатарскіх замінак. Кожны дзень праграма пачыналася мінімум на гадзіну пазьней. Як гледачы, так і выступоўцы не маглі своечасова трапіць на фэст
Ці то
Пад час чаканьня аўтобусаў каля Нацыянальнай бібліятэкі людзі знаёміліся, перамаўляліся, сядзелі на газонах і арганізоўвалі свае прыватныя
Цэлыя сем’і і закаханыя пары прыяжджалі пабачыць фэервэркі «зайцамі». Вялікае скапленьне машын на 4–5 км у кожны бок па шашы ў Віцебскім накірунку ўтварылі вялікія і працяглыя па часе аўтамабільныя заторы. Такой масавасьці Лагойск, пэўна, ня бачыў ніколі раней.
Музычныя выступы межаваліся зь піратэхнічнымі. У небе распускаліся кветкі, вымалёўваліся лічбы, на цёмным фоне рассыпаўся зорны дождж. Візуальнае і гукавое шоў узмацнялі ўражаньне. Для Беларусі такія фэервэркі сапраўды ўпершыню.
Па ацэнцы прафэсійнага журы, у якое ўваходзілі прадстаўнікі Эўрапейскай асацыяцыі фэервэркаў (EUFIAS) і Расійскай асацыяцыі вытворцаў і дэманстратараў фэервэркаў першае месца заваявала літоўская каманда «Blikas». Другое месца дасталося чэскай камандзе «Minergis», а на трэцім месцы апынулася француская каманда «Le Fir». Прызёрамі сталі нямецкая каманда «Jup Fireworks», славацкая «Pyro Moravia», латвійская «Petarde».
Колькі каштавалі ўсе гэтыя агні і гукі, арганізатары не прызналіся, спаслаўшыся, што для адных гэта сума падасца сьмешнаю, а для іншых — завоблачнай. Вядома толькі, што кожная каманда піратэхнікаў мела аднолькавы бюджэт для свайго шоў.
Глядзіце таксама тэматычныя фотарэпартажы з фэсту:
Аўтар фота Юра Сідун