IQ48, :B:N:, Pomidor/OFF у супольным канцэрце «Old School Minsk» 21 жніўня ў клубе Re: Public.

Вострая сацыяльная праблема адаптацыі маладога дзембеля да строгага сямейнага жыцця стала тэмай для новага кліпа гурта IQ48. Хлопец, які толькі што атрымаў так чаканую свабоду, сутыкаецца з суровай будзённасцю жыцця з мамай. Пацешная інтэрпрэтацыя на вядомы хіт Rage Against the Machine з’явілася ў IQ48 раптоўна і гэтак жа была ўвасоблена ў відэа з дапамагой сяброў з студыі Seveneleven production. 

Чарговы Бульбокс LIVE, які мусіў адбыцца 17 лютага пераносіцца на невядомы тэрмін праз тэхнічныя праблемы клуба. Аб гэтым сёння паведамілі арганізатарам канцэрту прадстаўнікі менскага клубу DoodahKing. Музычная імпрэза ўсё ж такі адбудзецца, праўда, арганізатары пакуль не ведаюць, калі.

25-га кастрычніка ва ўтульным пабе-клубе «Графіці» адбудзецца канцэрт-прэзентацыя новага відэа гурта IQ48 — «HMR live».

«Басовішча» адбудзецца 13–14 ліпеня 2012 году ў звыклым лесе ля Гарадку на Беласточчыне. Сёлета ад Беларусі на ім выступіць даволі сьціплы па колькасьці набор «вэтэранаў» фэсту — Znich, :B:N:, IQ48, «Нэйра Дзюбель», «Сьцяна», а таксама некалькі маладых камандаў зь Беларусі. Акрамя гэтага на фэст прыедуць чатыры польскія гурты, два зь якіх сьпяваюць па-беларуску, і шмат ды-джэяў.

З нагоды 10-годдзя сваёй канцэртнай дзейнасці, гурт IQ48 выклаў у вольны доступ свой апошні альбом “HMR”, дапоўнены цалкам эксклюзіўным матэрыялам.

Арганізатары фэстывалю музыкі маладой Беларусі назвалі імёны ўсіх беларускіх удзельнікаў, а таксама большасьці польскіх. Пры гэтым нечакана было заяўлена аб падрыхтоўцы да канцэрту ў Менску, удзел у якім возьмуць маладыя беларускамоўныя каманды, што жадаюць выступіць на «Басовішчы».

Названыя тры зь дзесяці сёлетніх удзельнікаў фэстывалю «Басовішча». Таксама арганізатары абвясьцілі аб пачатку конкурсу маладых гуртоў, якія будуць змагацца за права выступіць на фэстывалі.

Рэдактар маладзечанскага мясцовага каналу не пусьціў у эфір кліп гурта IQ48 «Прыяцель», пачуўшы ў вясёлым тэксьце бесклапотнай песьні намёкі на галоднае жыцьцё ў Беларусі, а «Мікі Маўса ў лядоўні» ўспрыняў як партрэт дзеючага кіраўніка краіны ў лядовым палацы.

Сябры, памятаеце, як кракадзіл Гена рамантычна сьпяваў пад гармонік песьню пра «пусть бегут неуклюже пешеходы по лужам…»? Дык вось, шмат хто з нашага пакаленьня, (хаця падазраю, што ня толькі з нашага), у дзяцінстве чуў гэты радок так: «пусть бегут неуклюжи, пешеходы по лужам». Хто такія гэтыя неуклюжи, мы абсалютна ня ведалі, але яшчэ меней ведалі такое прыслоўе — «неуклюже». Затое ведалі, што гэтыя, невядома якога выгляду неуклюжи бягуць, і бягуць яны разам зь пешаходамі. Так нам дзецям было больш зразумела і проста, мы разглядалі сьвет праз прызму таго, што нам бліжэй, і, зразумела, праз свой сьветапогляд. Хто ж ведаў, што праз столькі гадоў нейкі кракадзіл будзе адмыслова вышукваць у нашых тэкстах сваіх асабістых неуклюжаў.