За некалькі дзён да пачатку фэстывалю ў Кактэбель пачала сьцягвацца разнамасная публіка, пачынаючы ад хіпаноў а-ля 80-я, заканчваючы батанікамі ад музыкі ў стылі «у каго ёсьць лішні квіток у філярмонію». Напярэдадні адкрыцьця мясцовы нудысцкі пляж хутчэй нагадваў выязное паседжаньне актывістаў «Басовішча», чым месца, якое выкарыстоўваецца па прызначэньні. Там-сям можна было ўбачыць голыя азадкі ўперамешку з алкатурыстамі. Зрэшты, хутка ўжо немагчыма было разабраць, ху ёсьць ху. Так на беразе Чорнага мора пачынаўся 8-ы міжнародны джазавы фэстываль Jazz Koktebel.

«Сёньня кожны хаця б крыху чуў пра фэстываль, дзе пануе сяброўская атмасфэра свабоды, культурныя камунікацыі і добразычлівае стаўленьне адзін да аднаго. Джаз Кактэбель дапамагае забыць пра чужую нашай сутнасьці мітусьню штодзённага гарадзкога жыцьця. Джаз Кактэбель праходзіць штогод у сярэдзіне верасьня. Менавіта тады, калі найбольш сьвежыя ўспаміны лета і вельмі хочацца яго працягнуць. У добрай кампаніі, і так, каб успомнілася! Джаз Кактэбель — гэта культурны ваяж у аксамітны сэзон», — тлумачыць сайт фэсту. 9–12 верасьня на беразе Чорнага мора!

Толькі расклаўшы рэчы і яшчэ не пасьпеўшы дабегчы да адной з фэстывальных сцэнаў Be2gether, пачулі знаёмы голас. «Руся?», — падумала я. — Ня можа быць: як яна можа тут апынуцца?» Але адчуваньні не падманулі — сярод рознанацыянальных выступоўцаў фэсту разам зь менскім гуртом СherryVata сьпявала Руся. У спрыяльнай творчай атмасфэры фэстывалю рок-князёўна 2006 году распавяла пра лёс Indiga, беларускага року і ўласныя новыя этна і джазавыя праекты.

Чацьверты фэстываль музыкі і мастацтваў Be2gether адгрымеў традыцыйна ля замку Нарвілішкес і сабраў болей паўсотні артыстаў з усяго сьвету. Пакуль у Менску ішлі дажджы, надвор’е каля беларускай мяжы ў Літве радавала сьпёкай, ад чаго самай папулярнай вопраткай сталі купальнікі і каляровыя гумовыя боты. Тры дні музыкі, гульняў, прыгодаў ды размоваў з музыкамі беларускімі і замежнымі ў дзёньніку з фэстывалю.

Канцэртная агенцыя Bo promo адсьвяткуе свой пяты дзень народзінаў у клюбе «Рэактар» вялікім канцэртам у фармаце вечар-ноч. На дзьвюх сцэнах выступяць кабарэ бэнд «Серебряная свадьба», «Кассиопея», «RockerJoker», «CherryVata», а таксама адмысловыя госьці з Санкт-Пецярбурга: гурты-сябры«Chikiss» і «Padla Bear Outfit».

11 красавіка ў клюбе «Рэактар» менскі electrojazz-гурт CherryVata адзначыць сваё сямігодзьдзе вялікім сольным канцэртам з поўным складам і запрошанымі сябрамі. Напярэдадні канцэрта калектыў зрабіў падарунак прыхільнікам — альбом «Viavanilla» цяпер можна свабодна спампаваць на сайце www.cherryvata.com.

У менскім «Рэактары» 7 сакавіка пры ўдзеле менскага гурта CherryVata пройдзе прэзэнтацыя новага альбому «LЮK» — «Мамина юность».

Музычныя экспэрты вызначылі лепшыя альбомы году. Узнагароджаньне пераможцаў музычнай прэміі праекту Experty.by прайшло сёньня ў страўні «Камяніца». Нешматслоўныя The Toobes зьвезьлі з закрытай прэзэнтацыі 4 узнагароды за лепшы альбом 2009 году. Віншаваньне аўтараў лепшых альбомаў з 60-ці выпушчаных летась у Беларусі плытак — у рэпартажы Generation.bY.

Трэці фэстываль актуальнай беларускай музыкі «Можна!» дабраўся да Менску — дагэтуль фэст з посьпехам двойчы праходзіў у Маскве. У ноч з 22 на 23 студзеня «Рэактар» ледзь умясьціў усіх жадаючых паглядзець на «Можна!» у Беларусі.

Клюб «Графіці» сьвяткуе дзень народзінаў і ладзіць з гэтай нагоды пікнік пад Менскам. На пікніку чакаюцца дзесятак музычных камандаў-сяброў «Графіці», а таксама шмат спорту і кіно.