За некалькі дзён да пачатку фэстывалю ў Кактэбель пачала сьцягвацца разнамасная публіка, пачынаючы ад хіпаноў а-ля 80-я, заканчваючы батанікамі ад музыкі ў стылі «у каго ёсьць лішні квіток у філярмонію». Напярэдадні адкрыцьця мясцовы нудысцкі пляж хутчэй нагадваў выязное паседжаньне актывістаў «Басовішча», чым месца, якое выкарыстоўваецца па прызначэньні. Там-сям можна было ўбачыць голыя азадкі ўперамешку з алкатурыстамі. Зрэшты, хутка ўжо немагчыма было разабраць, ху ёсьць ху. Так на беразе Чорнага мора пачынаўся 8-ы міжнародны джазавы фэстываль Jazz Koktebel.

«Сёньня кожны хаця б крыху чуў пра фэстываль, дзе пануе сяброўская атмасфэра свабоды, культурныя камунікацыі і добразычлівае стаўленьне адзін да аднаго. Джаз Кактэбель дапамагае забыць пра чужую нашай сутнасьці мітусьню штодзённага гарадзкога жыцьця. Джаз Кактэбель праходзіць штогод у сярэдзіне верасьня. Менавіта тады, калі найбольш сьвежыя ўспаміны лета і вельмі хочацца яго працягнуць. У добрай кампаніі, і так, каб успомнілася! Джаз Кактэбель — гэта культурны ваяж у аксамітны сэзон», — тлумачыць сайт фэсту. 9–12 верасьня на беразе Чорнага мора!

Адзін з самых уплывовых open-air у СНД, фэстываль «Джаз Кактэбель» запрашае самую правільную, самую шчырую, самую новую музыку. З 20 лютага абвешчаны прыём заявак ад музыкаў і камандаў, якія хочуць пасябраваць з фэстам.

У пошуках адзінадумцаў і добрай музыкі «Джаз Кактэбель» рушыць у падарожжа. З траўня па чэрвень па меры атрыманьня заявак будуць ладзіцца паці-шоўкейсы ў розных гарадах СНД.

Ужо ў сёмы раз на беразе Чорнага мора прайшоў фэстываль Koktebel Jazz. 10–13 верасьня сярод болей 40 выканаўцаў выступілі беларускія гурты «Троіца», «Серебряная свадьба», CherryVata i Akana. Акунуцца ў атмасфэру восеньскага, але па-летняму цёплага «прыморскага» фэсту можна ў фотарэпартажы, прадстаўленым Generation.bY арганізатарамі Koktebel Jazz Festival.