Тысячы студэнтаў сабраліся ў цэнтры Лондана і патрабуюць бясплатнай адукацыі. У запале пратэстоўцы нават прарвалі паліцэйскія заслоны на плошчы перад парламентам.

9 кастрычніка ў Мінску пройдзе прэзентацыя самага старажытнага ўніверсітэта Шатландыі St. Andrews. Цікаўным распавядуць пра адукацыйныя праграмы і асаблівасці навучання ў Вялікабрытаніі. Адмысловы госць імпрэзы – Брус Бакнэл, амбасадар Вялікабрытаніі ў Беларусі.

Брытанскаму дызайнеру аднойчы прыйшла думка, што пераезд у Беларусь можа быць цікавай прыгодай. Знайшоўшы месца выкладчыка англійскай мовы, ён пераехаў у Менск, каб вывучаць беларускую мову і вучыць нацыяналістычныя вершы Янкі Купалы. Оўен Броўн — новы герой серыі «Размаўляй са мной па-беларуску» пра цікавых беларускамоўных замежнікаў. 

Праект для беларускай моладзі з рамантычнай назвай «Карані і вершаліны» стартаваў сёння. 300 беларусаў атрымаюць магчымасць вывучыць англійскую, нямецкую або французскую мовы за грошы Еўрапейскага Саюза, папрактыкаваўшыся ў непасрэдным моўным асяродку: у Вялікабрытаніі, Францыі і Германіі. Падрабязнасці пра ход рэалізацыі і пра тое, хто зможа трапіць на бесплатныя супер-інтэнсіўныя курсы, Generation.by даведаўся ў арганізатраў праекту — Інстытута імя Гётэ.

Дактарант Оксфардскага ўніверсітэту Арцём Ставенка і дактарант Універсітэцкага каледжу Лондана Кірыл Чыкеюк выйгралі на брытанскім тэлешоў амаль $150 тыс. у якасці інвестыцый для іх бізнэс-праекту. Беларускія студэнты ўкладуць грошы ў пашырэнне бізнэсу роварнай рэкламы.

У Чылі, Вялікабрытаніі і Калюмбіі прайшлі вялізныя выступы студэнтаў, зьвязаныя з занадта высокімі коштамі на адукацыю. Дзесьці іх падвышаюць, і студэнтам тое не падабаецца, а дзесьці не жадаюць зьмяншаць. Усё гэта выклікае гнеўную рэакцыю маладых людзей, некаторыя зь якіх у мітынговым запале ўступаюць у бойкі з паліцыяй. Аднак пэўных посьпехаў студэнты ўсё ж дамагаюцца.

Нягледзячы на ўсе намаганьні, ніводная беларуская ВНУ так і ня трапіла ў рэйтынгі лепшых унівэрсытэтаў сьвету. Мы прааналізавалі абноўленыя вэрсіі найбольш прэстыжных зь іх і ўбачылі там каго заўгодна: унівэрсытэты нашых суседзяў, прадстаўнікоў арабскіх, нават афрыканскіх краін, але не Беларусі. Затое ёсьць адзін рэйтынг, у якім, верагодна, нашу краіну будзе чакаць хуткі прарыў.

Вядомая беларуская мадэлька Тацяна Рынейская была адабраная з 75 тысячаў прэтэндэнтаў на ўдзел у рэклямнай кампаніі Benetton. Але яна ня здолее ўзяць удзел у здымках, бо брытанскі кансулят двойчы адмовіў дзяўчыне ў візе. Брытанцы засумняваліся ў тым, што незамужняя 23-гадовая беларуска вернецца з Лёндану пасьля 6-дзённай сэсіі. Кантракт, які «выпадае раз у жыцьці», аказаўся сарваным.

Брытанскі ўрад зробіць больш жорсткімі правілы навучаньня замежнікаў ва ўнівэрсытэтах краіны. Колькасьць студэнтаў, якія ня маюць грамадзянства ЭЗ, будзе абмежаваная на чвэрць, няісныя коледжы зачыняць, а правілы жыцьця ў краіне пасьля сканчэньня адукацыі чарговы раз узмацняць.

Бязь веданьня ангельскай за брытанца замуж больш ня выйдзеш. Па новых правілах жыхары краін, што не ўваходзяць у ЭЗ, мусяць прадэманстраваць веданьне ангельскай мовы, калі яны хочуць пераехаць да брытанскага мужа ці жонкі. Новыя правілы тычацца і аднаполых шлюбаў.