На частыя пытаньні ў беларускім музычным асяродку «што з Басовішчам?» ужо ёсьць першыя адказы. Пра тое, якія зьмены будуць сёлета і як ідзе падрыхтоўка да буйнога штогадовага фэсту, распавядае Generation.bY старшыня БАС Радаслаў Дамброўскі.

15-16 чэрвеня ў адным зь менскіх клюбаў прайшоў адборачны тур музычнага фэстывалю Басовішча. Паглядзець і паслухаць выступы 19 маладых гуртоў дайшла толькі частка журы. Увагі звычайных гледачоў імпрэза таксама прыцягнула ня шмат.

Да атрыманьня маладымі гуртамі галоўных прызоў фэстывалю музыкі маладой Беларусі Басовішча засталося 2 этапы: канцэрт Адборышча і непасрэдна конкурсная частка на Басовішчы. Сёньня скончылася інтэрнэт-галасаваньне на «Тузіне гітоў», паводле якога гурт-пераможца Lilith адразу трапляе на Басовішча, абмінаючы «Адборышча-2007» 15-16 чэрвеня ў Менску.

За радкі «Жры какосы, жры бананы, ды вяртайся ў Іраны, альбо зьнішчаны ты будзеш тут футбольным хуліганам...» адзін з канкурсантаў Адборышча гурт «Заточка» быў залічаны некаторымі ў фашысты. Хтосьці кажа, што хлопцы проста сьцябаюцца, але ж па Сеціве пайшлі чуткі, што разьюшаныя антыфа рыхтуюць «гарачую» сустрэчу гурту на адборачным туры. Якіх жа сапраўды поглядаў трымаецца скандальны гурт, мы даведаліся праз тэлефон у вакаліста «Заточкі» і заадно запыталіся пра гэты гурт у магілёўскіх анархістаў.

Сёньня на прэс-канфэрэнцыі па падрыхтоўцы да фэстывалю музыкі маладой Беларусі «Басовішча-2007» агучаныя 20 гуртоў-пераможцаў з 53 удзельнікаў першага туру адбора.

Сябры журы «Адборышча-2007» прыступілі да праслухоўваньня дэма-запісаў 53 гуртоў, якія ўдзельнічаюць у першай частцы адборачнага туру на фэстываль «Басовішча-2007». 6 чэрвеня ў наступны тур пройдуць 20 камандаў. Як будзе ажыцьцяўляцца адбор?

Збор заявак ад маладых гуртоў на ўдзел у конкурснай частцы фэстывалю Басовішча завершаны. На працягу 22 дзён каманды з розных куткоў Беларусі дасылалі свае дэма-запісы. Менск, Віцебск, Полацак, Горадня, Бераставіца, Магілёў, Смалявічы, Бяроза, Маладзечна, Мядзель, Барань, Берасьце, Бабруйск  - ля 15 гарадоў на мапе сёлетняга адборачнага туру Басовішча.

Першы этап у падрыхтоўцы да фэстывалю музыкі маладой Беларусі «Басовішча-2007» падыходзіць да завяршэньня. 28 траўня скончваецца збор заявак ад маладых гуртоў на ўдзел у конкурснай частцы Басовішча.

За першыя 10 дзён збору заявак на конкурсную частку фэстывалю музыкі маладой Беларусі «Басовішча» 10 маладых гуртоў зь Менску, Віцебска, Горадні, Бярозы, Смалявічаў падалі свае заяўкі.

Напрыканцы ліпеня - 20-21.07.2007 - мястэчка Гарадок у Польшчы традыцыйна прыме ў сябе беларускіх музыкаў, аматараў, вандроўнікаў ды проста добрых людзей на фэсце Басовішча. Ужо з 7 траўня маладыя беларускія гурты могуць падаваць заяўкі на ўдзел у конкурснай праграме Басовішча і змагацца за прызы фэсту, у тым ліку і запіс у польскай студыі.