Найбольшая колькасць студэнтаў у курсаў «Мова Нанова» навучаецца ў сталіцы, следам з вялікім адрывам ідуць Берасце і Горадня. Самая значная ўзроставая група – 19-24, а ў гендарным малюнку колькасць Ж да М пераважае амаль у два разы. Generation.by прадстаўляе інфаграфіку да першага года працы курсаў «Мова Нанова».

Паводле інфаграфікі, якую склалі ў DataIsAmazing, у большай часцы Еўрапейскага саюзу вышэйшая адукацыя бясплатная альбо яе кошт не перавышае 1000 еўра. 

Толькі 160 чалавек з болей як 8.3 тысячаў абітурыентаў будуць здаваць цэнтралізаванае тэставанне па грамадазнаўству, неабходнае для паступленне на юрыдычныя спецыяльнасці, па-беларуску. У іншых дысцыплінах, нават раней традыцыйна беларускамоўных, сітуацыя не нашмат лепей.

Тыповы беларускі студэнт — гэта студэнтка-завочніца з эканамічнага факультэта сталічнай ВНУ.

Беларускі рэспубліканскі саюз моладзі атрымае ў 2013 годзе з дзяржаўнага бюджэту 4.5 млн. даляраў, што на 1.7 млн. болей, чым яны маюць ў гэтым годзе. Новая лічба параўнальная з бюджэтам Савету міністраў і ў амаль у тры разы большая за дзяржаўнае фінансаванне такіх тэлефізійных каналаў, як СТВ ці АНТ.

Чэмпіянат свету па хакеі, што мусіць адбыцца ў Беларусі ўвесну 2014 году, абяцае стаць сапраўдным выпрабаваннем для студэнтаў. На час чэмпіянату 7 ВНУ адправяць на вакацыі, а 10 тысяч студэнтаў высяляць з інтэрнатаў, каб вызваліць месца для пражывання замежных турыстаў. Па гэтай жа прычыне зменяць працягласць першага семестру, а другі разаб'юць на 2 часткі.

Летні рост коштаў на адукацыю, які назвалі рэкордным, можа апынуцца не апошнім у гэтым годзе. Міністр адукацыі Сяргей Маскевіч заявіў, што ўніверсітэты падвысяць цэны як толькі вырастуць заробкі выкладчыкаў. Апошнія плануецца узняць ужо ў наступным месяцы.

Мінадукацыі падвяло вынікі ўступнай кампаніі. Галоўнае адрозненне ад папярэдніх гадоў: даволі моцны рост долі студэнтаў-бюджэтнікаў на фоне працяглага падзення агульных лічбаў набору.

У гэтым годзе на дзённую форму навучання на платнай аснове залічаныя больш як 16 тысяч чалавек, кожны з іх у сярэднім за год вучобы заплаціць каля 1 167 даляраў.  

У той час, калі Мінадукацыі забараняе паступаць у платныя магістратуры пасьля бюджэтных аддзяленьняў ВНУ, унівэрсытэты дазваляюць адпрацоўваць па разьмеркаваньні і адначасова вучыцца на платнай дзённай магістратуры. Тыя ж студэнты, што жадаюць зьехаць за мяжу дзеля працягу адукацыі, рызыкуюць атрымаць рахункі на гіганцкія сумы, што ў некалькі разоў перавышаюць сродкі, выдаткаваныя платнікамі на навучаньне па тых жа спэцыяльнасьцях.