У сонечную, а для герояў усёй задумы яшчэ й чаканую і ўрачыстую нядзелю 9 чэрвеня, болей сотні катоў і сабак у суправаджэньні часовых гаспадароў ці валанцёраў сабраліся ў Парку Чалюскінцаў. Усе жывёлкі чыстыя, прышчэпленыя, стэрылізаваныя і ўсхваляваныя прадчуваньнямі сустрэчы новых гаспадароў. Generation.by таксама завітаў на акцыю. Што штурхае моладзь дапамагаць жывёлам, а не людзям, дзе набрацца столькі дабрыні і што пра гэта думаюць сваякі?

«Увечары ў нядзелю нам патэлефанавалі дзяўчына з хлопцам і сабакам. Наш тэлефон знайшлі праз Хаспіталіці клаб, — кажа Лёша, які жыве ў цэнтры Вільні і час ад часу прымае падарожнікаў, што знаходзяць яго праз клюб гасьціннасьці. — Яны пратопалі 1 000 км да Вільні. Пакуль у нас тусяць, шукаюць кватэру…».

У музэі сучаснага выяўленчага мастацтва адчыніцца выстава «SOS». Як сьцьвярджаюць арганізатары, выстава прымеркаваная «да Дня абароны жывёлаў і Дня работнікаў культуры».

Кожнай афіцыйнай асобе хочацца пабыць звычайным чалавекам, аслабіць гальштук і проста атрымаць задавальнень­не ад жыцьця. Напрыклад, кіраўніку Аддзяленьня Амбасады Швэцыі ў Менску Стэфану Эрыксану ў гэтым дапамагае ягоны сабака — прыгожы залацісты рэтрывэр.

Верагодна, 2008 стане годам глябальнай барацьбы за нармалёвую вагу чалавека: Галівуд пакутуе ад анарэксіі, а звычайныя амэрыканцы — ад атлусьценьня. Праблемы з лішняй вагою, аднак, клапоцяць ня толькі жыхароў ЗША, але і нацыю — першую ў сьвеце па спажываньні бульбы. Апроч таго, гэтыя пытаньні тычацца ня толькі людзей: ад атлусьценьня нават жывёлы паміраюць. Таму замест таго, каб адсьвяткаваць Дзень аматараў бургераў — 15 лютага — у МакДональдсе, лепш прагуляцца, нават нягледзячы на суворае надвор’е.

Што б там ні казалі іміджмэйкеры Беларусі пра буслоў і зуброў, ісьціннанародны сымбаль нашай краіны – вожык. Колькі разоў вы кармілі яблычкам жывога зубра? Ці слухалі калі-небудзь, як тупае па бабульчынай кухні і тыцкае дзюбай у сподачак злоўлены на ноч бусьлік? То-та ж.

Легендарны нямецкі мядзьведзік Кнут адзначыў учора свой першы Дзень Народзінаў. Павіншаваць яго ў Бэрлінскі заапарк прыйшлі пяць тысяч сяброў, а асьвятлялі падзею 20 камандаў тэлежурналістаў.