У дворыку БНТУ днямі адкрылі першую бясплатную вулічную міні-бібліятэку ў Беларусі. Сімпатычная хатка з кнігамі, знешне падобная на шпакоўню, з'яўляецца часткай сусветнага буккросінг-праекту LittleFreeLibrary.

Мінулай суботай праект па гарадскім арыентаванні «Адрыў» прайшоўся па Менску з тэматычнай гульнёй, прысвечанай Дню бібліятэк. Выходным днём «прачытаць горад» сабраліся болей за 400 чалавек у складзе 39 роварных і 123 пешаходных камандаў. «Чытай-Горад» – апошняя гульня праекту ў гэтым сезоне для сталічнай прасторы.

Бібліятэка Кангрэсу ЗША зоймецца захоўваньнем твітаў — штодзённага флуду 155 мільёнаў юзэраў найпапулярнейшага сэрвісу мікраблогінгу Twitter. Рэплікі, якія па правілах сэрвісу ня могуць быць даўжэйшымі за 140 сымбаляў, далучацца да соцень тэрабайтаў сеціўнай інфармацыі, ужо назапашанай бібліятэкай.

Нацыянальная бібліятэка Беларусі, узьведзеная ў 2006 г., ўвайшла ў сьпіс найбольш недарэчных будынкаў сьвету. Акрамя беларускага «дыямэнту» у сьпіс, прадстаўлены ў кастрычніцкім нумары часопісу Travel + Leisure, увайшлі яшчэ 13 найбольш нязграбных і недарэчных пабудоў.

Бібліятэчныя фонды ў Беларусі будуць даступныя ў электронным выглядзе, паведаміў намесьнік міністра культуры Беларусі Віктар Кураш сёньня на прэс-канфэрэнцыі ў Менску, прысьвечанай Дню бібліятэк.

У Лёндане адкрылася незвычайная бібліятэка — там можна ўзяць «пачытаць» чалавека. У каталёгу прыводзіцца сьпіс асноўных пэрсанажаў, стэрэатыпамі пра якіх поўнае нашае жыцьцё. Сярод 15 чалавек, якія жадаюць падзяліцца сваімі гісторыямі, — Гей, Афіцэр, Вернік, Вечны актывіст. За паўгадзіны кожны жадаючы зможа запытацца пра тое, што ня знойдзеш у звычайных кнігах.­

Кампутарызацыя сталічных бібліятэк набірае абароты: за 2007 год былі набытыя 30 кампутараў, ноўтбук, 6 ксэраксаў, 4 сканэра, 15 друкарак, тэлевізары, а таксама бібліятэчнае абсталяваньне на амаль 45 тысяч даляраў. Ажно тры бібліятэкі далучаныя да Інтэрнэту.

Падчас будоўлі стагодзьдзя – Нацыянальнай бібліятэкі – многія цікавіліся, што будзе са старым будынкам. І вось сёньня стала вядома, што моцна свой імідж пабудова 1932 ня зьменіць – там зноў будзе бібліятэка, толькі ўжо Прэзыдэнцкая.

Тое калісьці сказала Мэрылін Манро. А ў нас гэтае сяброўства пашырылася, і дыямэнт цяпер мусіць быць сябрам кожнага беларуса. Скарбніца ведаў – Нацыянальная бібліятэка – будавалася намаганьнямі ўсяе краіны. А ў зьмешчаным звонку дома насупраць пажаданьні “Квітней, родная Беларусь” нарэшце зьявілася коска перад зваротам.

Адміністрацыі менскіх унівэрсытэтаў пачалі масава дасылаць студэнтаў на будаўніцтва Нацыянальнай бібліятэкі. Так, 15 лістапада чарговай “групай экстрыму” стаў 4-ы курс факультэту прыкладной матэматыкі і інфарматыкі БДУ. Студэнтаў папярэдзілі, што заняткі ў гэты дзень адмяняюцца, і ўсе ў 12:30 мусяць быць каля ўваходу ў бібліятэку “для добраўпарадкаваньня памяшканьняў”. Кіраўніцтва факультэта папярэдзіла студэнтаў, што да тых, хто аслухаецца загаду, “будуць прымяняцца жорсткія меры”.