Былы студэнт Гомельскага дзяржаўнага ўнівэрсытэту імя Ф.Скарыны, а цяпер салдат транспартных войскаў у Жлобіне Зьміцер Жалезьнічэнка накіраваў скаргу ў Камітэт ААН па правах чалавека.

15 сакавіка Партыя БНФ абвясьціла ляўрэатаў Прэміі БНФ: бронзавую статуэтку «Пагоні» з рук Лявона Баршчэўскага атрымалі Зьміцер Вайцюшкевіч ды Зьміцер Салаўёў. Трэці ляўрэат — Зьміцер Жалезьнічэнка — знаходзіцца ў войску. Узнагароду яму прывязуць сябры партыі.­

10 красавіка адбылося паседжаньне абласнога касацыйнага суду, які пакінуў папярэдняе рашэньне суда па справе Зьмітра Жалезьнічэнкі правамоцным. Па словах Алы Жалезьнічэнкі, наступным крокам будзе Вярхоўны Суд.

Суд цэнтральнага раёну Гомеля не задаволіў скаргу Алы Жалезьнічэнкі, нягледзячы на важкія аргумэнты абароны. Такім чынам, абскарджваць сваё адлічэньне Зьміцер Жалезьнічэнка працягне ў вышэйшых судовых інстанцыях.­

Сёньня, 5 сакавіка, адбылося судовае слуханьне па зыску Алы Жалезьнічэнкі да Адміністрацыі Гомельскага дзяржаўнага ўнівэрсытэту аб неправамерным адлічэньні ейнага сына — Зьмітра Жалезьнічэнкі. Слуханьне працягнецца заўтра. А сёньня Зьміцер даў для Generation.by ацэнку бягучай сытуацыі.­

«Суд пусьціў каня перад возам», - лічыць праваабаронца Гары Паганяйла. Учора маці Зьмітра Жалезьнічэнкі было адмоўлена ў скарзе на дзеяньні прызыўной камісіі. Таксама чарговым рашэньнем суда быў адменены загад ад першага лютага, па якім прыпынялася рашэньне аб прызыве Зьмітра ў войска. Такім чынам, пакуль Зьміцер застаецца служыць.

Усе намаганьні маці Зьмітра Алы Жалезьнічэнкі, адвакатаў і праваабаронцаў дамагчыся выкананьня рашэньня аб прыпыненьні прызыву ў войска Зьмітра на дадзены момант плёну не далі - дахаты яго не адпусьцілі. Вайскоўцы спасылаюцца на тое, што рашэньне прынятае 1 лютага, а прызыўная камісія завершылася 31 студзеня. 9 лютага Зьміцер Жалезьнічэнка адмовіўся прымаць прысягу. ­

Сёньня ў судзе маці Зьмітра Жалезьнічэнкі даведалася, што ад 1 лютага быў падпісаны загад аб прыпыненьні рашэньня аб прызыве на вайсковую службу яе сына, аб гэтым яна паведаміла Generation.by. Акалічнасьці зараз высьвятляюцца.

Сёньня зранку Зьмітра Жалезьнічэнку адвезьлі назад у частку. Пра гэта нам паведамілі на прапускным пункце вайсковага шпіталю. Пасьля хвілін 20 перамоваў і пошукаў Зьмітра на КПП нам паказалі газэту «Во славу Родины»: «Вы этого Железниченко ищете? Тогда уходите отсюда! Его тут нет». У сёньняшнім нумары газэты «Диме Железниченко» адвялі галоўную старонку, з працягам на апошняй. Прыводзім самыя кранальныя радкі вайсковага журналіста Андрэ­я Максімава пра «политического ­призывника», «жертву деструктивной деятельности» ды «выбор белорусского народа».

­Зьміцер Жалезьнічэнка­ знаходзіцца ў аддзяленьні кардыялёгіі вайсковага шпіталя ў Менску. З-за карантыну наведваць яго­ забаронена. Зараз ён праходзіць інтэнсіўныя мэдыцынскія агляды. За сьвядомую шкоду здароўю — Зьміцер пяты дзень трымае галадоўку — яму пагражае крымінальная ­адказнасьць.