«Закрыты парт сход» — пад такім назовам вядомы часопіс Esquire апублікаваў фотарэпартаж італьянскага фатографа Алясандра Вінчэнцы (Alessandro Vincenzi) з Беларускага гуманітарнага ліцэю, які ўжо дзесяць год існуе ў паўлегальным стане.

Інтэрнэт — галоўная крыніца інфармацыі для 33% беларусаў. Ня гледзячы на тое, што тэлебачаньне дагэтуль глядзіць пераважная большасьць насельніцтва, Інтэрнэт стаў ужо амаль такой жа аўтарытэтнай крыніцай інфармацыі, як і газэты.

У 2010 годзе адбыўся конкурс сярод прафэсійных фатографаў Беларусі, якія супрацоўнічаюць са СМІ. Нягледзячы на тое, што ў такім фармаце конкурс адбыўся упершыню, у ім узялі ўдзел 96 фатографаў, якія даслалі больш за 1200 здымкаў. Выніковая выстава была двойчы прадстаўлена ў Менску, а таксама пабывала ў іншых гарадах Беларусі. Акрамя таго, экспазыцыя ў розны час была прадстаўлена ў Польшчы, Расеі і Ўкраіне.

Міністар інфармацыі Беларусі Алег Праляскоўскі заявіў, што рыхтуецца пастанова ўраду аб рэгістрацыі інтэрнэт-СМІ. А пакуль, паводле міністра, беларускіх сеціўных СМІ не існуе.

16 чэрвеня ў аўтацэнтры на Баравой адчыніцца выстава, на якой будуць прадстаўленыя працы пераможцаў і фіналістаў першага адкрытага конкурсу прэс-фатаграфіі ў Беларусі.

У першым рэспубліканскім конкурсе прафэсійных фотакарэспандэнтаў «Прэс-фота Беларусі» паўдзельнічала 96 беларускіх фатографаў з 1200 працамі. Узнагароджаньне пераможцаў пройдзе 12 траўня ў межах Менскага фотасалёну на Фотафоруме-2010. Там жа будзе працаваць выстава лепшых працаў па выніках конкурсу.

Журы конкурсу, якое складаецца зь дзесяці замежных вядомых фотакарэспандэнтаў, адабрала шот-ліст зь лепшых здымкаў беларускіх фатографаў, дасланых на конкурс.

Застаецца менш за адзін тыдзень да заканчэньня прыёму працаў (да 15 сакавіка 2010 году) на конкурс для фатографаў і фотакарэспандэнтаў «Прэс-фота Беларусі».

Кабэльныя тэлеканалы Вэнэсуэлы абвінавачваюцца ў парушэньні новых правілаў вяшчаньня, якія абавязваюць трансьляваць выступы прэзыдэнта. Правайдэры пад ціскам уладаў зачынілі шэраг тэлеканалаў, якія не трансьлявалі суботні выступ Чавэса на мітынгу.

У Беларусі стартуе першы рэспубліканскі конкурс прафэсійных фотакарэспандэнтаў «Прэс-фота Беларусі». Лепшыя здымкі будуць адзначаныя ў 8 намінацыях, а па выніках конкурсу пройдзе выстава лепшых працаў. Плянуецца таксама выпуск каталёгу з працамі фіналістаў.

Да ўдзелу запрашаюцца беларускія фотакарэспандэнты, працы якіх публікаваліся ў друкаваных ці электронных СМІ.