А сусьветнае насельніцтва самага папулярнага мікраблогу ў сьвеце толькі за два месяцы вырасла на 30 мільёнаў. Агулам колькасьць юзэраў Twitter ў 18 разоў большая за насельніцтва Беларусі.

Прэзыдэнт Вэнэсуэлы завёў сабе акаўнт у сацыяльнай сетцы Twitter. Спэцыялісты сумняюцца ў тым, што ў шматслоўнага вэнэсуэльскага лідэра атрымаецца прытрымлівацца галоўнага абмежаваньня сеткі — допісаў ня болей за 140 сымбаляў даўжынёю. Дадатковую пікантнасьць дадаюць ранейшыя выказваньні Чавэса, які яшчэ нядаўна называў Твітэр прыстанішчам тэрарыстаў.

Прэзыдэнт Вэнэсуэлы Уга Чавэс, які нядаўна зачыніў шэраг радыёстанцый і пазбавіў ліцэнзіі незалежны тэлеканал, зьбіраецца заняцца кантролем над Інтэрнэтам. Аб гэтым ён заявіў пасьля зьяўленьня на адным з апазыцыйных сайтаў інфармацыі аб забойстве ягонага паплечніка.

Кабэльныя тэлеканалы Вэнэсуэлы абвінавачваюцца ў парушэньні новых правілаў вяшчаньня, якія абавязваюць трансьляваць выступы прэзыдэнта. Правайдэры пад ціскам уладаў зачынілі шэраг тэлеканалаў, якія не трансьлявалі суботні выступ Чавэса на мітынгу.

Хуан Карлас нават і падумаць ня мог, што кінутая ім фраза «Чаму б вам не заткнуцца?» у бок прэзыдэнта Вэнэсуэлы Уга Чавэса, стане сапраўдным выбухам, гітом па ўсёй Гішпаніі. Напрыклад, рынгтон «Why don’t you shut up?» спампавалі паўмільёна ­чалавек.­

Сёньня тысячы вэнэсуэльскіх студэнтаў выйшлі на вуліцы пад лёзунгам «Рэформам – не, дэмакратыі – так!». На рэфэрэндум 2 сьнежня будзе вынесена 67 паправак да Канстытуцыі: ад скарачэньня працоўнага дня да неабмежаванасьці прэзыдэнцтва Чавэса.

У Вэнэсуэле перапісваюць гісторыю. Ніякі Калюмб не герой – так будуць вучыць школьнікаў Вэнэсулы. Гэта частка рэформы адукацыі, якую ажыцьцяўляе прэзыдэнт Вэнэсуэлы Уга Чавэс. Студэнты ж будуць вывучаць «Капітал» Карла Маркса, прамовы Фідэля Кастра, цытаты з самога Чавэса.

Паліцыянты Каракаса ўжылі слёзатачывы газ і гумовыя кулі для разгону дэманстрантаў, абураных рашэньнем Уга Чавеса пазбавіць эфіру тэлевізійны канал, які дазваляў сабе крытычныя заўвагі ў бок кіраўніцтва краіны.

Прэзыдэнт Вэнэсуэлы ў часе выступу перад студэнтамі ў Каракасе заявіў, што ўступныя іспыты ў ВНУ адмяняюцца. Больш таго, Чавэс выказаўся за адмену іспытаў і пад час навучаньня. Студэнты лікуюць.