Прэміямі Партыі БНФ уганараваныя Жалезьнічэнка, Вайцюшкевіч і Салаўёў
15 сакавіка Партыя БНФ абвясьціла ляўрэатаў Прэміі БНФ: бронзавую статуэтку «Пагоні» з рук Лявона Баршчэўскага атрымалі Зьміцер Вайцюшкевіч ды Зьміцер Салаўёў. Трэці ляўрэат — Зьміцер Жалезьнічэнка — знаходзіцца ў войску. Узнагароду яму прывязуць сябры партыі.
Прэмія Партыі БНФ была заснаваная ў 2007. Па словах кіраўніка БНФ Лявона Баршчэўскага, у нашай краіне ёсьць прэміі імя слаўных дзеячаў, ёсьць прэміі, якія ўручаюцца паважанымі арганізацыямі, ёсьць і дзяржаўныя прэміі і ўзнагароды, якія часта атрымоўваюць ня тыя, хто сапраўды варты.
«Прэмія Партыі Беларускі народны фронт безграшовая. Яна не палепшыць фінансавага становішча, не вырашыць жыцьцёвых праблем. Але гэта справа шанаваньня выдатных людзей», — патлумачыў Лявон Баршчэўскі.
«Пагоню» і дыплём за «Грамадзкую чыннасьць» атрымаў Зьміцер Жалезьнічэнка. Узнагароду ён заслужыў за сваю актыўную дзейнасьць у Партыі і ў Моладзі БНФ, барацьбу супраць незаконнага адлічэньня і прызыву ў войска з парушэньнямі, за спробы беларусізацыі войска. Прэмію Зьміцер атрымае ў вайсковай частцы — на адных з выходных сябры партыі паедуць у Жлобін, дзе Зьміцер служыць.
Зьміцер Салаўёў, старшыня Магілёўскай гарадзкой арганізацыі ПБНФ, сьціпла адзначыў тую справу, за якую атрымаў прэмію ў галіне «Адукацыя»: ён дамогся таго, што магілёўскія дзеткі зараз могуць наведваць беларускамоўны садок. Зьміцер найперш падзякаваў беларускамоўным бацькам і Партыі за давер.
Па словах Лявона Баршчэўскага, без арганізатарскіх здольнасьцяў і ўпартасьці Зьмітра Салаўёва ва ўмовах сёньняшняга Магілёва адкрыць адзіны ў горадзе садок зь беларускай моваю не атрымалася б.
Фармальная падставаю для ўручэньня прэміі за «Культуру» Зьмітру Вайцюшкевічу стаў альбом на словы Генадзя Бураўкіна «Лірыка». Але ў сваім рашэньні журы кіравалася і ўсімі папярэднімі заслугамі Вайцюшкевіча, ягоным унёскам у беларускую культуру.
Па словах Зьмітра, гэта сама важкая ў ягоным жыцьці ўзнагарода і атрымаў ён яе не
«Нашая барацьба ў канцэртных залях, у беларускім слове. Жыве Беларусь!»
Таксама Вайцюшкевіч падзяліўся плянамі пайсьці «у народ» — праехацца з канцэртамі па Беларусі.
Сярод іншых песень Зьміцер выканаў кампазыцыю «Наш сьцяг», вершы да якой напісаў Уладзімір Някляеў адмыслова да
Дыплёмы ад Партыі БНФ таксама атрымалі Алесь Яўдаха, Іван Шыла, Тамара Шчапёткіна і Алесь Цыркуноў.
Былі падведзеныя вынікі паэтычнага конкурсу «Заклён на волю». Першае месца заняў баранавіцкі паэт Аляксей Белы, другое і трэцяе — Алена Арцёмава і Зьміцер Смалякоў.
Цырымонія скончылася выступамі бардаў Зьмітра Казлоўскага і Дар’і Кадамскай.
