Верагодна, у бліжэйшы час карыстацца Vkontakte і іншымі заблякаванымі рэсурсамі па серадах і астатніх «небясьпечных» днях можна будзе прасьцей з дапамогай праграмы Telex. Яна распрацаваная праграмістамі ЗША і Канады каб абысьці «абмежаваную інтэрнэт-цэнзуру».

У межах свайго сусьветнага туру Менск з канцэртам наведаюць швэдзкія мэталісты Sabaton. Сцэну клюба “Рэактар” 3-га лістапада зь імі падзеляць шатляндцы Alestorm, швэды Steelwing ды беларусы Litvintroll.

Савет Міністраў Беларусі выдаў пастанову аб парадку працы кампутаровых клюбаў. Паводле яе клюбы мусяць захоўваць падрабязную статыстыку ўсіх старонак, на якія хадзілі іх наведвальнікі. Частка прадстаўнікоў інтэрнэт-клюбаў ужо выказалася, што гэта не зьяўляецца эфэктыўным. Але ж на самой справе такі кантроль вядзецца сыстэмнымі адміністратарамі звычайна паўсюль: у інтэрнэт-кавярнях, ва унівэрсытэтах ды офісах.